తమిళ స్టార్ హీరో ధనుష్కు టాలీవుడ్లోనూ క్రేజీ ఫాలోయింగ్ ఉంది. అందుకే తమిళ్లో తీసిన సినిమాలు ఇక్కడ కూడా విడుదలవుతుంటాయి. ఇటీవలే సార్ మూవీతో సూపర్ హిట్ అందుకున్న ధనుష్ తన తదుపరి సినిమాలపై ఫోకస్ పెట్టాడు. తాజాగా టాలీవుడ్ దర్శకుడు శేఖర్ కమ్ములతో సినిమా చేస్తున్నాడు. అయితే ధనుష్ పుట్టిన రోజు సందర్భంగా.. దర్శకుడు శేఖర్ కమ్ముల సినిమాను మూవీ మేకర్స్ అధికారికంగా ప్రకటించారు. ఈ సినిమాకు ‘డీ51’ అనే వర్కింగ్ టైటిల్ను ఖరారు చేశారు ఈ సినిమాలో టాలీవుడ్ మన్మధుడు నాగార్జున కీలక పాత్రలో నటించనున్నారని వార్తలు చక్కర్లు కొడుతున్నాయి. దీని గురించి అధికారిక ప్రకటన రావాల్సి ఉంది.
హీరో ధనుష్ పుట్టినరోజు సందర్భంగా సినిమా ఫస్ట్ పోస్టర్ను గురువారం రిలీజ్ చేసింది చిత్రబృందం. కాగా ఈ సినిమా పాన్ ఇండియా రేంజ్లో తెరకెక్కనుంది.ఈ సినిమా పోస్టర్లో పెద్ద భవనాలు, గుడిసెలను చూపించారు. అయితే వీటి మధ్య పాత కరెన్సీ నోట్లను ఉంచడం ఆసక్తిని కలిగిస్తోంది. డైరెక్టర్ శేఖర్ కమ్ముల ఇదివరకు రాజకీయ నేపథ్యం ఉన్న కథతో ‘లీడర్’ సినిమా తెరకెక్కించి సక్సెస్ అందుకున్నారు. మరి తాజా చిత్రం అదే జోనర్లో సాగుతుందా? ఏదైనా డిఫరెంట్ పాయింట్ను తీసుకుంటారా అని వేచి చూడాలి.
Happy Birthday @dhanushkraja …#d51 #dhanush #amigoscreations #svcllp pic.twitter.com/FQF8o5ZaMY
— Sekhar Kammula (@sekharkammula) July 27, 2023
