మజిలీ సినిమాతో టాలీవుడ్కు పరిచయమైన దివ్యాంశ కౌశిక్ ఆ మూవీలో తన నటనకు మంచి మార్కులే కొట్టేసింది. అందం, అభినయంతో తెలుగు ప్రేక్షకులను అలరించింది. ఆ సినిమా హిట్ అయినా ఈ భామకు మాత్రం పెద్దగా అవకాశాలు రాలేదు. మజిలీ తర్వాత ఈ దిల్లీ డాల్ రామారావు ఆన్ డ్యూటీ, మైఖేల్ సినిమాల్లో సందడి చేసింది. కానీ ఈ రెండు సినిమాలు బాక్సాఫీస్ వద్ద ఫ్లాప్ అయ్యాయి.
అయితే ఇప్పుడు ఈ బ్యూటీకి మరో ఛాన్స్ ఇచ్చాడట మజిలీ డైరెక్టర్ శివ నిర్వాణ. విజయ్ దేవరకొండ హీరోగా.. సమంత కథానాయికగా తాను తెరకెక్కిస్తున్న ఖుషీ సినిమాలో దివ్యాంశకు ఓ కీలక పాత్రలో నటించే అవకాశం కల్పించాడట. ఈ సినిమాలో దివ్యాంశ.. సమంతకు సోదరి పాత్రలో నటించనున్నట్లు తెలుస్తోంది. అయితే ఆమె పాత్రపై ఇంకా అధికారికంగా ప్రకటన రాలేదు. మైత్రీ మూవీ మేకర్స్‌ నిర్మాణంలో దర్శకుడు శివ నిర్వాణ ఈ చిత్రాన్ని రూపొందిస్తున్నాడు. ప్రస్తుతం రెగ్యులర్‌ చిత్రీకరణలో ఉందీ సినిమా. సెప్టెంబర్‌ 1న విడుదల చేస్తున్నట్లు ఇటీవల చిత్రబృందం ప్రకటించారు.
