ప్రముఖ గజల్ గాయకుడు పంకజ్‌ ఉదాస్‌ (72) కన్నుమూశారు. అనారోగ్యంతో బాధపడుతున్న ఆయన ఇవాళ తుదిశ్వాస విడిచారు. భారతీయ సంగీత ప్రపంచంలో గజల్, నేపథ్య గాయకుడిగా పంకజ్‌ ఎన్నో అద్భుతమైన పాటలను పాడారు. ముఖ్యంగా హిందీలో ఆయన పాడిన పాటలు చిరస్మరణీయం. 1980లో ‘ఆహత్’ అనే గజల్ ఆల్బమ్‌ ఆయనకు మంచి పేరు తెచ్చి పెట్టింది. ఇక అప్పటి నుంచి ఆయనకు తిరుగులేకుండా పోయింది. ముకరర్, తర్రన్నమ్‌, మెహ్‌ఫిల్, నయాబ్ వంటి అనేక హిట్‌లను అందించిన పంకజ్‌ ఉదాస్‌ను 2006లో కేంద్ర ప్రభుత్వం పద్మశ్రీ పురస్కారంతో సత్కరించింది.
1970లో ‘తుమ్ హసీన్ ప్రధాన జవాన్‌’లో ‘మున్నేకి అమ్మా యేతో బాటా’ పాటతో సినీ కెరీర్‌ను మొదలు పెట్టిన ఆయన ఎన్నో హిట్‌ పాటలను పాడారు. ‘నామ్‌’లో ఆయన పాడిన ‘చిట్టీ ఆయే హై’ గీతం ఇప్పటికీ పాపులర్. ‘గంగా జమున సరస్వతి’, ‘ఘాయల్‌’, ‘సాజన్‌’, ‘సాజన్‌’, ‘బేటా’, ‘దిల్‌ అష్నా హై’, ‘బాజీఘర్‌’ సినిమాల్లో ఆయన పాటలు పాడారు. పంకజ్‌ ఉదాస్‌ గుజరాత్‌లోని జెట్‌పూర్‌లో జన్మించారు.
