మ్యాన్ ఆఫ్ మాసెస్ జూనియర్ ఎన్టీఆర్, కొరటాల శివ కాంబోలో తెరకెక్కుతున్న లేటెస్ట్ మూవీ ‘దేవర’.ఈ చిత్రం షూటింగ్ శరవేగంగా సాగుతోంది. అయితే సెకండ్ హాఫ్ లో వచ్చే ఓ ఆయుధ పూజ సాంగ్ అద్భుతంగా ఉంటుందని సినీ వర్గాల్లో టాక్ వినిపిస్తోంది. ఈ సాంగ్ కి అనిరుధ్ ఇచ్చిన మ్యూజిక్ , ఎన్టీఆర్ హావభావాలు మరింత హైలెట్గా ఉంటాయని సమాచారం. ‘కొమురం భీముడో’ లాంటి రెస్పాన్స్ పక్కా అని అభిమానులు కామెంట్స్ చేస్తున్నారు. అక్టోబర్ 10న దేవర సినిమా రిలీజ్ చేయడానికి నిర్మాతలు సన్నాహాలు చేస్తున్నారు.
ఈ సినిమాలో జాన్వీ కపూర్ కథానాయికగా న‌టిస్తున్న విషయం తెలిసిందే. సైఫ్ అలీఖాన్ విలన్ పాత్రలో నటిస్తున్నాడు. ఇక ఈ చిత్రాన్ని రెండు పార్ట్ లుగా విడుదల చేయనున్నట్లు తెలుస్తోంది. ఇప్పటికే ఈ సినిమా నుంచి జూనియర్ ఎన్టీఆర్ లుక్‌తో పాటు, సైఫ్ అలీఖాన్, జాన్వీకపూర్ లుక్‌ల‌ను రిలీజ్ చేయ‌గా….. ప్రేక్షకుల నుంచి మంచి స్పందన వచ్చింది.తారక్ ఈ మూవీ లో తండ్రి కొడుకులుగా ద్విపాత్రాభినయం చేయనున్నారు. ఇక అనిరుధ్ మ్యూజిక్ అందిస్తున్నాడు. ఎన్టీఆర్ ఆర్ట్స్, యువసుధ ఆర్ట్స్ మిక్కిలినేని సుధాకర్, కొసరాజు హరికృష్ణ, నందమూరి కళ్యాణ్ రామ్ సంయుక్తంగా నిర్మిస్తున్నారు.
