భీమ్లా నాయక్ సినిమాతో బ్లాక్ బస్టర్ హిట్ అందుకున్న పవర్ స్టార్ పవన్ కళ్యాణ్ ఇప్పుడు పూర్తిగా హరిహర వీరమల్లు సినిమా పై దృష్టిపెట్టారు. క్రిష్ దర్శకత్వంలో పవర్ స్టార్ పవన్ కళ్యాణ్ హీరోగా తెరకెక్కుతున్న ఈ సినిమా ఇప్పటికే 50 శాతం షూటింగ్ పూర్తి చేసుకుంది. ఆ తరువాత వాయిదా పడ్డ హరిహర వీరమల్లు షూటింగ్ ఇప్పుడు మళ్ళీ రీ స్టార్ట్ అవుతుంది. శరవేగంగా ఈ సినిమా షూటింగ్ పూర్తి చేసి విడుదల చేయాలని మేకర్స్ భావిస్తున్నారు. తాజాగా ఈ సినిమా షూటింగ్ హైదరాబాద్ లో ప్రత్యేకంగా వేసిన సెట్లో ప్రారంభం కానుంది. అయితే ఇప్పుడు నెట్టింట్లో పవన్ కళ్యాణ్అయితే ఇప్పుడు నెట్టింట్లో పవన్ కళ్యాణ్ యాక్షన్ మోడ్ లో వున్న ఫోటోలు వైరల్ అవుతున్నాయి.
ఈ పిక్ లో పవన్ కళ్యాణ్ సరికొత్త లుక్ లో ఫిట్ గా కనిపిస్తున్నారు. ఈ సినిమాలో భారీ యాక్షన్ సన్నివేశాలు ఉన్నట్లుగా ఈ ఫోటో చూస్తే అనిపిస్తుంది. టోడొర్ లాజరోవ్ అనే కొరియోగ్రాఫర్ ల ఆధ్వర్యంలో యాక్షన్ సన్నివేశాలకు సంబంధించి ప్రాక్టీస్ మొదలు పెట్టాడు పవన్. ఏప్రిల్ 8 నుంచి షూటింగ్ రీ స్టార్ట్ కానుంది. కాగా ఈ చిత్రంలో నిధి అగర్వాల్ కథానాయికగా నటిస్తోంది. ఈ మూవీ షూటింగ్ పూర్తి చేసి పవన్ కళ్యాణ్ ‘వినోదయ సీతం’ తెలుగు రీమేక్ పై దృష్టి పెట్టనున్నాడు. ఇక ‘హరిహర వీరమల్లు ‘ ఎప్పుడెప్పుడు థియేటర్లోకి వస్తుందా అని అభిమానులు ఆత్రుతగా ఎదురుచూస్తున్నారు.
