ముద్దుగుమ్మలు: ఇండస్ట్రీలో ఒక్కప్పుడు అడపదడపా వచ్చే లేడీ ఓరియెంటెడ్ చిత్రాలకు ఇప్పుడు ఆదరణ పెరుగుతోంది.దీంతో హీరోయిన్లకు ముఖ్య పాత్రలు దక్కుతున్నాయి . వారు కూడా ఎలాంటి పాత్రలు అయిన మొహమాటపడకుండా చేసేందుకు సిద్ధమవుతున్నారు.
వాస్తవానికి హీరోయిన్లు ఒక్కప్పుడు కేవలం గ్లామర్ ఆరబోయడానికి, నామమాత్రంగా ఉండేవారు! వారి పపాత్రలకు అంత ప్రాముఖ్యత దక్కేది కాదు. కానీ ఇప్పుడు అంతా మారిపోయింది. హీరోలకు దీటుగా ఎలాంటి పాత్రనైనా చేయడానికి ఇంట్రెస్ట్ చూపుతున్నారు. పవర్‌ ఫుల్‌ అండ్ ఛాలెంజింగ్ రోల్స్‌ చేస్తున్నారు. విలన్లకు దీటుగా నెగటివ్ రోల్స్‌లోనూ మెప్పిస్తున్నారు. ఈ క్రమంలోనే వెండితెరపై రాజకీయ నాయకురాలిగా కూడా కనిపించి సత్తా చాటుతున్నారు.
తాజాగా అక్కినేని నట సామ్రాట్, హీరో నాగచైతన్య నటించిన కస్టడీ సినిమా రిలీజై బాక్సాఫీస్ వద్ద ఏవరేజ్ టాక్ తెచ్చుకుంది. అయితే ఈ చిత్రంలో నటి ప్రియమణి సీఎం పాత్రలో కనిపించి ఆడియెన్స్ను అలరించింది. అయితే ఈమెనే కాదు.. సిల్వర్ స్క్రీన్పై ఇప్పటికే పలువురు ముద్దుగుమ్మలు కూడా ఇలా పాజిటివ్ లేదా నెగటివ్ షేడ్స్ ఉన్న రాజకీయ నాయకురాలిగా కనిపించి సినీప్రియులను ఆకట్టుకున్నారు.
ఇటీవల విడుదలైన కస్టడీ చిత్రంలో సీఎంగా అద్భతంగా ఒదిగిపోయింది అలనాటి నటి ప్రియమణి.
అందాల భామ త్రిష ధర్మయోగిలో రాజకీయంగా ఎదగడానికి ఏమైనా చేసే వ్యక్తిగా కనిపించింది. ఈ సినిమాలో నెగటివ్ షేడ్స్ ఉన్న పాత్ర పోషించింది.
నయనతార గాడ్ఫాదర్లో మొదటి రాజకీయాలకు దూరంగా ఉంటూ.. చివరికీ తన తండ్రి పార్టీ పగ్గాలు స్వీకరించి ముఖ్యమంత్రి అవుతుంది.
సరైనోడులో గ్లామర్ ఎమ్మెల్యేగా కనిపించింది కేథరిన్. యూ ఆర్ మై ఎమ్మేల్యే సాంగ్ తో ఆడియెన్స్ ను ఫిదా చేసింది
హీరోయిన్ కృతిశెట్టి బంగార్రాజులో ప్రెసిడెంట్ అవ్వాలని పరితపించే అమ్మాయిగా ఆకట్టుకుంది.
రమ్య కృష్ణ తమిళనాడు దివంగత ముఖ్యమంత్రి జయలలిత బయోపిక్ క్వీన్ వెబ్సిరీస్లో టైటిల్ పాత్ర పోషించింది. సాయితేజ్ రిపబ్లిక్ చిత్రంలోనూ రాజకీయనాయకురాలిగా కనిపించి అలరించింది.
తమిళనాడు దివంగత ముఖ్యమంత్రి జయలలిత బయోపిక్ తలైవీ సినిమాలో టైటిల్ రోల్, ఎమెర్జెన్సీ చిత్రంలో ఇందిరా గాంధీగా నటించింది బాలీవుడ్ భామ కంగనా రనౌత్.
కేజీఎఫ్లో రవీనా టాండన్.. ప్రధాన మంత్రి రమికా సేన్ పాత్ర పోషించి ఆకట్టుకుంది.
రాజకీయ నాయకురాలిగా రాజ్నీతి చిత్రంలో నటించి సీఎం అవుతుంది కత్రినా కైఫ్.
హ్యూమా ఖురేషి రాజకీయ నాయకురాలిగా మహారాణి వెబ్సిరీస్లో నటించింది. ఇప్పటివరకు రెండు సీజన్లు స్ట్రీమింగ్ అయ్యాయి.
