టాలీవుడ్లో ప్రస్తుతం కొరియోగ్రాఫర్స్ అనగానే గుర్తొచ్చే మొదటి రెండు పేర్లు శేఖర్ మాస్టర్, జానీ మాస్టర్. ఇందులో జానీ మాస్టర్ స్టైలే వేరు. ఈయన కొరియోగ్రఫీ.. యాటిట్యూడ్కు చాలా మంది ఫిదా అవుతుంటారు. ఇక కేవలం కొరియోగ్రఫీనే కాదు.. సినిమాల్లో నటించడం.. బుల్లితెరపై జడ్జీగా కనిపించడం కూడా చేస్తుంటారు. ప్రస్తుతం టాలీవుడ్లో ఈయన హాప్పెనింగ్ కొరియోగ్రాఫర్.
అయితే తాజాగా జానీ మాస్టర్ తెలుగు సినిమా టీవీ డ్యాన్సర్స్, డ్యాన్స్ డైరెక్టర్ అసోసియేషన్ అధ్యక్షుడిగా ఎన్నికయ్యారు. జూబ్లీహిల్స్ జేఆర్ఎస్సీ కన్వెన్షన్ సమీపంలో ఏర్పాటు చేసిన కొత్త కార్యాలయంలో అధ్యక్షుడిగా ప్రమాణ స్వీకారం చేసి బాధ్యతలు స్వీకరించారు. ఈ సందర్భంగా జానీ మాస్టర్ మాట్లాడారు. తాను అధ్యక్షుడిగా ఎన్నికైనందుకు ఎంతో సంతోషంగా ఉందని హర్షం వ్యక్తం చేశారు. డ్యాన్సర్స్ అసోసియేషన్ను స్థాపించిన సీనియర్ నటుడు, డ్యాన్సర్ ముక్కురాజును గుర్తు చేసుకుంటూ.. ఆయన కృషి వల్లే తామంతా చిత్ర పరిశ్రమలో ఒక అసోసియేషన్గా ఏర్పడి ఉన్నత స్థానంలో ఉన్నామని అన్నారు. డ్యాన్సర్స్ అసోసియేషన్ అభివృద్ధి కోసం తన వంతు కృషి చేయనున్నట్లు జానీ మాస్టర్ తెలిపారు.
