ఎటువంటి అంచనాలు లేకుండా ప్రేక్షకుల ముందుకు వచ్చి భారీ విజయ దిశగా నిలిచిన చిత్రం కాంతారా. ఈ సినిమా విడుదలై ఎన్నో సంచలనాలు సృష్టించింది. ప్రస్తుతం ఈ చిత్రం ఓటీటి లో కూడా బాగానే ఆకట్టుకుంటోంది. అయితే, కశ్మీర్ ఫైల్స్ తర్వాత వివేక్ అగ్నిహోత్రి తెరకేకిస్తున్న ‘ది వ్యాక్సిన్ వార్’ చిత్రంలో కాంతారా హీరోయిన్ సప్తమి గౌడ ఓ కీలక పాత్రలో నటిస్తోంది.
‘వెల్కమ్ సప్తమి. ఈ చిత్రంలో నీ పాత్ర చాలామంది హృదయాలను తాకుతుంది’ అని అగ్నిహోత్రి ట్వీట్ చేశారు. దీనికి ఆమె ధన్యవాదాలు తెలిపింది. కాగా, ఫైనల్ షెడ్యూల్ షూటింగ్ హైదరాబాదులో నేడు మొదలవనుంది. ఆగస్టు 15న మూవీని విడుదల చేసేందుకు మేకర్స్ సన్నాహాలు చేస్తున్నారు.
