నటన, దర్శకత్వం రెండిటిని సమపాళ్లలో బాలన్స్ చేసుకుంటూ వెళ్తున్నాడు అవసరాల శ్రీనివాస్. నటుడిగా సినిమాలు చేస్తూనే దర్శకుడిగా ఊహలు గుసగుసలాడే సినిమా చేశాడు. ఆ తర్వాత జ్యో అచ్యుతానంద సినిమాతో హిట్ అందుకున్నాడు. ఇప్పుడు మూడవ ప్రయత్నంగా మరో సినిమా చేస్తున్నాడు. అవసరాల శ్రీనివాస్ డైరక్షన్ లో నాగ శౌర్య హీరోగా వస్తున్న సినిమా సెట్స్ మీద ఉంది. మాళవిక నాయర్ హీరోయిన్ గా నటిస్తున్న ఈ సినిమాకు విచిత్రమైన టైటిల్ ఫిక్స్ చేశారట.
ఇంతకీ ఆ టైటిల్ ఏంటంటే ఫలానా అబ్బాయి ఫలానా అమ్మాయి.. తెలుగులోనే టైటిల్ పెట్టడం సెంటిమెంట్ గా పెట్టుకున్న అవసరాల శ్రీనివాస్ తన 3వ సినిమాకు అదే విధంగా టైటిల్ పెట్టారు. టైటిల్ వింటే మన్ ఇంట్లో ఎప్పుడూ మాట్లాడుకునే మాటలా అనిపిస్తుంది. ఛలో హిట్ తో క్రేజ్ తెచ్చుకున్న నాగ శౌర్య ఆ తర్వాత మళ్లీ ట్రాక్ తప్పాడు మరి అవసరాల సినిమాతో అయినా మళ్లీ హిట్టు కొడతాడేమో చూడాలి.
