‘సొంతం’ సినిమాలో తన నటనతో ప్రేక్షకుల మనసు దోచేసిన హీరోయిన్ నమిత. ఆ తర్వాత తెలుగుతో పాటు ఇతర భాషల్లో కూడా నటించింది. సొంతం సినిమా సమయంలో స్లిమ్ గా ఉండే ఈ హీరోయిన్ తర్వాత కాలంలో బొద్దుగా మారింది. ప్రభాస్ ‘బిల్లా’ సినిమాలో స్పెషల్ రోల్ చేసిన ఈ అమ్మడు ఆ తర్వాత బాలకృష్ణ ‘సింహ’ చిత్రంలోనూ నటించింది.
2017లోవీరేంద్ర చౌదరి అనే వ్యక్తిని పెళ్లి చేసుకొని కొంత కాలంగా ఈ సుందరి సినిమాలకి దూరంగా ఉంటుంది. ఇటీవల ఈ ముద్దుగుమ్మ న్యూ చాప్టర్ బిగన్ అనే హ్యాష్ ట్యాగ్ తో తను తల్లి కాబోతున్నట్లు తెలిపింది. ఈ క్రమంలోనే ప్రస్తుతం ఈమె మాతృత్వాన్ని ఆస్వాదిస్తోంది.
భగవంతుడు ప్రసాదించిన అరుదైన వరం అమ్మతనం..పొందబోతున్నదని తెలుసుకుని అమితనాందంలో ఈ సంతోష సమయాలను తన భర్తతో పంచుకుంటోంది. తన భర్తతో తెలుపు రంగు డ్రెస్సులో బేబీ బంప్ తో ఉన్న ఫొటోలు సోషల్ మీడియా వేదికగా పంచుకుంది. సదరు ఫొటోలు చూసి నెటిజన్లు కంగ్రాట్స్, గాడ్ బ్లేస్ యూ అని ఆశీర్వదిస్తున్నారు.
