పాన్ ఇండియా స్టార్ ప్రభాస్ పుట్టిన రోజు సందర్భంగా “రాధే శ్యామ్” చిత్రం టీజర్ ని చిత్ర యూనిట్ విడుదల చేసింది. ఈ టీజర్ ఎంతో ఆసక్తికరంగా ఉంది. ప్రభాస్ సూట్ వేసుకుని స్టైలిష్ లుక్ లో కనిపిస్తున్నాడు. అంతే కాకుండా ఇదివరకు ఎప్పుడూ చేయని పాత్రలో ప్రభాస్ నటించినట్టు కనిపిస్తోంది. ఈ సినిమా ప్రేమ కథ చిత్రంగా తెరకెక్కుతున్న సంగతి తెలిసిందే. ఈ సినిమాలో ప్రభాస్ విక్రమాదిత్య పాత్రలో కనిపిస్తున్నారు. టీజర్ లో ఐ యాం విక్రమాదిత్య అంటూ ప్రభాస్ చెప్పిన డైలాగులు ఆకట్టుకునే విధంగా ఉన్నాయి.
పిరియాడికల్ ప్రేమ కథ చిత్రంగా తెరకెక్కుతున్న ఈ సినిమాలో పూజా హెగ్డే హీరోయిన్ గా నటిస్తున్న సంగతి తెలిసిందే. అయితే ఈ టీజర్ లో మాత్రం పూజా హెగ్డే ఎక్కడా కనిపించలేదు. టీజర్ బ్యాక్ గ్రౌండ్ మ్యూజిక్ ఎంతగానో ఆకట్టుకునే విధంగా ఉంది. ఇక ఇప్పటికే షూటింగ్ పూర్తి చేసుకున్న ఈ సినిమా కరోనా కారణంగా విడుదల వాయిదా పడుతూ వచ్చింది. ఇక టీజర్ కోసం ప్రభాస్ ఫ్యాన్స్ ఎంతోకాలం నుండి వేచి చూస్తూ ఉండగా టీజర్ ను విడుదల చేసి చిత్ర యూనిట్ అభిమానులను సర్ప్రైజ్ చేసింది.
