శోభితా ధూలిపాల ఈ తెలుగందం తెలుగులో కంటే ఎక్కువ ఇతర భాషల్లో సినిమాలు చేస్తోంది. పదహారణాల తెలుగు అందం.. అయినా టాలీవుడ్, కోలీవుడ్, మాలీవుడ్, బాలీవుడ్.. ఇలా ఇండియన్ సినిమా ఇండస్ట్రీలన్నింటిలో తన సత్తా చాటుతోంది.
ఆమే తెలుగు చిన్నది.. శోభిత ధూలిపాళ. ఈ బ్యూటీ గూఢచారి సినిమాతో టాలీవుడ్ తెరకు పరిచయమైంది. అచ్చమైన ఈ తెలుగందం ఆ తర్వాత అడవి శేష్ నటించి మేజర్లో కనిపించింది. ఇక వరుస అవకాశాలు దక్కించుకుంటూ తన హవా కొనసాగిస్తోంది. అటు బాలీవుడ్లోనూ ఈ బ్యూటీ తన సత్తా చాటుతోంది.
అయితే, నాగచైతన్యతో డేటింగ్ చేస్తున్నట్లు వస్తున్న వార్తలపై హీరోయిన్ శోభిత దూళిపాల స్పందించారు. ‘ఆ రూమర్ తో నాకు అసలు సంబంధమే లేదు. నేను ఏ తప్పు చేయనప్పుడు అర్జెంటుగా మీడియా ముందుకు వచ్చి క్లారిటీ ఇచ్చేయాలని ఎందుకు అనిపిస్తుంది? తప్పు చేయనప్పుడు కంగారు పడాల్సిన అవసరం లేదు. నా పని నేను చూసుకుంటూ పోతాను’ అని స్పష్టం చేశారు. డేటింగ్ వార్తలను ఇదివరకే చైతు ఖండించారు.
