శృతి హాసన్ గురించి సినిమా ప్రేక్షకులకు ప్రత్యేకంగా పరిచయం చేయాల్సిన అవసరం లేదు. ఈ ముద్దుగుమ్మ కెరియర్ ప్రారంభంలో ఎన్నో సినిమాల్లో నటించినప్పటికీ బాక్స్ ఆఫీస్ దగ్గర మాత్రం సరైన విజయం లభించలేదు. అలాంటి సమయంలోనే పవర్ స్టార్ పవన్ కళ్యాణ్ హీరోగా తెరకెక్కిన గబ్బర్ సింగ్ సినిమాతో శృతి హాసన్ కు బాక్స్ ఆఫీస్ దగ్గర బ్లాక్ బస్టర్ విజయం లభించింది.
గబ్బర్ సింగ్ సినిమా మంచి విజయం సాధించడంతో టాలీవుడ్ లో శ్రుతి హాసన్ కు క్రేజీ సినిమా అవకాశాలు దక్కాయి. కమల్ హాసన్ కూతురిగా కాకుండా ఇండస్ట్రీలో తనకంటూ ప్రత్యేక గుర్తింపు తెచ్చుకుంది శృతిహాసన్.
ఇక వరుస విజయాలు, భారీ ప్రాజెక్టులు చేతిలో ఉండడంతో భారీగా రెమ్యూనరేషన్ కూడా పెంచేసిందట. గతంలో ఒక సినిమాకు రూ. కోటి-కోటిన్నర తీసుకునే ఆమె ప్రస్తుతం, రూ. 2.5-3 కోట్ల వరకు డిమాండ్ చేస్తోందని టాక్. సక్సెస్ రేట్ ఉండటంతో నిర్మాతలు కూడా ఓకే అంటున్నారట. శృతిహాసన్ ప్రస్తుతం ప్రభాస్ ‘సలార్’ బాలయ్య మూవీలో నటిస్తోంది.
