సుహాస్ గురించి ప్రత్యేకంగా చెప్పాల్సిన పనిలేదు. సుహాస్ కథానాయకుడిగా తెరకెక్కిన మరో చిత్రం ‘అంబాజీపేట మ్యారేజ్ బ్యాండ్’. బన్నీవాస్, వెంకటేష్ మహా సమర్పణలో ప్రొడ్యూసర్ ధీరజ్ మొగిలినేని ఈ సినిమాను నిర్మిస్తున్నారు. ఇందులో సుహాస్ సరసన శివాని కథానాయికగా నటిస్తోంది. తాజాగా ఈ సినిమా ట్రైలర్ ను మేకర్స్ విడుదల చేశారు. నూతన దర్శకుడు దుష్యంత్ కటికనేని దర్శకత్వం వహిస్తున్న ఈ మూవీ ఫ్యామిలీ, క్రైమ్ నేపథ్యంలో రానుంది.
సుహాస్ హీరోగా, దుష్యంత్ దర్శకత్వంలో తెరకెక్కిన ‘అంబాజీపేట మ్యారేజ్ బ్యాండ్’ చిత్ర ట్రైలర్ ను నిన్న విడుదల చేయగా…. మూవీ ఫిబ్రవరి 2న రిలీజ్ కానుంది. ఈ తరుణంలోనే సుహాస్ మాట్లాడుతూ….’ఈ సినిమా కోసం రెండుసార్లు గుండు చేయించుకున్న. బ్యాండ్ వాయించడం కూడా నేర్చుకున్నాను. నాకు దర్శకుడు పూరి జగన్నాథ్ అంటే ఇష్టం. ఆయన సినిమాలో ఆఫర్ వస్తే క్యారెక్టర్ ఏంటనేది చూడకుండా నటిస్తా’ అని చెప్పారు.
