తన కామెంట్స్ తో ఎప్పుడూ వార్తల్లో నిలిచే టాలీవుడ్ యంగ్ హీరో, మాస్ కా దాస్ విశ్వక్ సేన్ తాను కేవలం రీల్ హీరోను కాదు రియల్ హీరో అనిపించుకున్నాడు. ఆయన తాజాగా చేసిన ఓ పని చూసి అభిమానులతో పాటు నెటిజన్లు హర్షం వ్యక్తం చేస్తున్నారు. శెభాశ్ విశ్వక్ సేన్ అంటూ నెట్టింట తెగ ప్రశంసలు కురిపిస్తున్నారు. ఇంతకీ విశ్వక్ సేన్ ఏం చేశారంటే?
విశ్వక్‌సేన్‌ తన అవయవాలను దానం చేసి ఎందరికో ఆదర్శంగా నిలిచారు. అవయవ దానానికి మద్దతిస్తూ, దానిపై అవగాహన కల్పించేందుకు ఏర్పాటు చేసిన ‘మెట్రో రెట్రో నోబుల్‌ కాజ్‌ ఈవెంట్‌’కు అతిథిగా వెళ్లిన ఆయన, ఆ వేడుకలో తన అవయవాలను దానం చేస్తున్నట్టు ప్రకటించారు. ఇంత గొప్ప నిర్ణయం తీసుకున్న విశ్వక్‌పై ఆ కార్యక్రమంలో పాల్గొన్న అందరూ ప్రశంసల వర్షం కురిపించారు. ప్రతి ఒక్కరూ ఈ బృహత్తర కార్యక్రమంలో భాగం కావాలనీ విశ్వక్ సేన్ అన్నారు. మనం మరణించినా మన అవయవాల వల్ల చావు బతుకల మధ్య పోరాడుతున్న ఎంతో మందికి పునర్జీవనం దక్కుతుందని.. తద్వారా మనకూ మళ్లీ జన్మ లభించినట్లు ఉంటుందని అన్నారు.
