నేచురల్ స్టార్ నాని వరుస సినిమాలతో బిజీగా ఉన్నారు. హాయ్ నాన్న సినిమాతో సూపర్ సక్సెస్ అందుకున్న నాని త్వరలోనే సరిపోదా శనివారం చిత్రంలో ప్రేక్షకులను అలరించేందుకు రెడీ అయ్యారు. ఈ ఏడాది ఆగస్ట్ 29వ తేదీన గ్రాండ్గా థియేటర్లలో ఈ చిత్రం విడుదల కానుంది. వివేక్ ఆత్రేయ దర్శకత్వం వహిస్తున్న ఈ చిత్రంపై ప్రేక్షకుల్లో భారీ అంచనాలు ఉన్నాయి.
ఇక ఈ మూవీ తర్వాత నాని సాహో, ఓజీ ఫేమ్ సుజీత్తో ఓ యాక్షన్ డ్రామా, బలగం ఫేమ్ వేణు యెల్దండితో ఓ ఫ్యామిలీ డ్రామా చేయబోతున్నారని టాక్ వచ్చిన సంగతి తెలిసిందే. అయితే ఇప్పుడు వేణుతో చేయాల్సిన సినిమా క్యాన్సిల్ అయినట్లు న్యూస్ వైరల్ అవుతోంది. కానీ అందుకు గల కారణాలు క్లారిటీగా తెలియలేదు. భవిష్యత్లో మరో మంచి కథ దొరికితే వీరి కాంబినేషన్ కొనసాగే అవకాశం ఉందట. నిర్మాత దిల్ రాజు నిర్మిస్తారట. మరి ఈ ప్రచారంలో ఎంత వరకు నిజముందో తెలియాలంటే మరికొంత కాలం వేచి ఉండాల్సిందే.
