టాలీవుడ్లో బ్లాక్ బస్టర్ పడింది కదా అని చెప్పి బిటౌన్ వరకు వెళ్లిన తెలుగు దర్శకులకు గట్టి దెబ్బలే తగులుతున్నాయి.ఈవెన్ బాలీవుడ్లో హిట్ వచ్చినా కూడా చేతిలో సినిమాలు లేకుండా పోవడం ఇక్కడ సీరియస్ గా థింక్ చేయాల్సిన విషయం. ఇంతకీ ఇక్కడ అక్కడ బోణీ కొట్టినప్పటికీ ఆఫర్లు కొట్టలేకపోతోన్న ఆ దర్శకుల పై ఇండస్ట్రీలో కొత్త చర్చ నడుస్తుంది.
టాలీవుడ్ యువ దర్శకులు విభిన్న కథాంశాలతో సినిమాలు చేస్తూ పోతున్నారు.వారిలో కొందరికి హిట్లు పడుతున్నాయి. ఇంకొందరికి ట్రెండ్ సెట్టర్లు కుదురుతున్నాయి.అలా వర్కవుటైన వారికి బాలీవుడ్ నుంచి కాల్ రావడం, అక్కడ హీరోలతో సినిమాలు చేయడం సర్వసాధారణమైపోయింది.అలా చేసినవారు కొందరు వెనక్కి వచ్చేస్తే… ఇంకొందరు అక్కడే మరో సినిమా చేయడానికి హీరోలకు స్టోరీలు వినిపించడానికి టైమ్ వేస్ట్ చేస్తున్నారు..ఇదే ఆయా దర్శకులకు పెద్ద డ్రాబ్యాక్ గా మారిపోయింది.
రన్ రాజా రన్ తో మంచి హిట్ అందుకున్న సుజిత్ ..సాహో సినిమాతో బిటౌన్ వరకు ఓకె అనిపించుకున్నాడు.టెక్పికల్ గా సినిమాను గ్రాండీగా తీర్చిదిద్దడంతో త్వరలో షారుక్ తో సినిమా అనుకున్పారు.ఆతర్వాత కపూర్ హీరోలతో సినిమా చేస్తున్నాడన్నారు. కట్ చేస్తే ఎవరితోను సినిమా లేకుండా పోయింది.చివరకు టాలీవుడ్ వచ్చి లూసిఫర్ చేద్దామన్నా ..ఆ ఆఫర్ తనకు దక్కకుండా పోయింది.దీంతో తన తర్వాత సినిమా ఎవరితో చేయాలో తెలియక ఇబ్బంది పడుతోన్న టైమ్లో చత్రపతి హిందీ రీమక్ కు ఆల్మోస్ట్ ఓకే అయినట్లుగా తెలుస్తుంది.
