” బిచ్చగాడు” సినిమాతో టాలీవుడ్ లో మంచి పేరుని సంపాదించుకున్నాడు విజయ్ ఆంటోని. ఈ చిత్రం తరువాత ఆయన నటించిన ప్రతి సినిమా తెలుగులోనూ విడుదలవుతూ వస్తుంది. ఇక బిచ్చగాడు-2 లాంటి సూపర్ హిట్ తర్వాత విజయ్ ఆంటోని నటించిన మూవీ ‘హత్య’. భారీ అంచనాలతో గత నెల 21న విడుదలైన ఈ సస్పెన్స్ థ్రిల్లర్ కు మిక్స్డ్ టాక్ వచ్చింది.
దీంతో నెలలోపే ఓటీటీలోకి రానుంది. ఈనెల 20 నుంచి అమెజాన్ ప్రైమ్ లో తెలుగు, తమిళ భాషల్లో స్ట్రీమింగ్ కానుంది. మర్డర్ మిస్టరీ నేపథ్యంలో తెరకెక్కిన ఈ సినిమాలో మీనాక్షి చౌదరి, రితికా సింగ్ కీలక పాత్రల్లో నటించారు. కాగా, ఈ సినిమాకు కమల్ బోరా, జి ధనంజయ్, ప్రదీప్ బి, పంకజ్ బోరా, విక్రమ్ కుమార్, తాన్ శ్రీ దొరై, సింగం పిల్లై, సిద్ధార్థ శంకర్, ఆర్విఎస్ అశోక్ కుమార్ నిర్మాతలు కాగా బాలాజీ కుమార్ దశకత్వం వహించారు.
