తాళం వేసి ఉన్న ఇంట్లో మంటలు చెలరేగిన ఘటన జగద్గిరిగుట్ట పోలీస్ స్టేషన్ పరిధిలో చోటు చేసుకుంది. వెంకటేశ్వరనగర్లోని ఓ ఇంట్లో మంగళవారం తెల్లవారుజామున విద్యుదాఘాతంతో మంటలు చెలరేగాయి. అప్రమత్తమైన స్థానికులు మంటలను ఆర్పివేశారు. ప్రమాద సమయంలో ఇంట్లో ఎవరూ లేకపోవడంతో ప్రాణ నష్టం జరగలేదు. అయితే ఇంట్లోని రూ.30వేల విలువైన ఎలక్ట్రానిక్ వస్తువులు కాలిపోయాయని యజమాని రాజు తెలిపారు.
