కరీంనగర్లో సోమవారం పొగమంచు కమ్మేయగా, చిరుజల్లులు తడిపి ముద్దచేశాయి. ఉష్ణోగ్రతలు ఒక్కసారిగా పడిపోవడంతో పొద్దంతా ఈదురుగాలులు, చలితో నగర జనం వణికిపోయారు. ఉదయం 8 గంటలైనా దట్టమైన పొగమంచు వీడకపోవడంతో రోడ్లు కనిపించక వాహనదారులు లైట్ల వెలుగులో ప్రయాణించారు. మరోవైపు రోజంతా మబ్బు కమ్మగా మధ్యాహ్నం, రాత్రి తర్వాత చిరుజల్లులు పడడంతో నగర వాసులు ఇబ్బంది పడ్డారు.
