ఈ సంవత్సరం హోలీ పండుగ మార్చి 25న వచ్చింది. ఈ రంగుల పండుగ కోసం ప్రజలు ఆసక్తిగా ఎదురుచూస్తున్నారు. హోలీని భారతదేశంలోనే కాకుండా విదేశాలలో కూడా ఘనంగా జరుపుకుంటారు. ఈ పండుగ కోసం పిల్లల నుంచి పెద్దల వరకు అందరూ ఆసక్తిగా ఎదురుచూస్తున్నారు. ఈ పండుగ విశేషమేమిటంటే ప్రజలు తమ పగను మరచి ఒకరికొకరు రంగులు పూసుకోవడం. ప్రేమించిన వారితో మొదటగా రంగును పూయించుకోవాలని చాలా మంది అనుకుంటారు. ప్రేమకు గుర్తుగా ఈ పండుగను చేసుకుంటారు. కానీ హోలీని అస్సలు జరుపుకోని ప్రదేశాలు మన దేశంలో చాలా ఉన్నాయి. ఇది విన్న తర్వాత మీకు కూడా కొంచెం వింతగా అనిపించవచ్చు కానీ ఇది నిజం. హోలీ రోజున ఇక్కడ గులాల్ దొరకడం కష్టం.. మన దేశంలో హోలీ జరుపుకోని ప్రదేశాలు ఇవే..
దుర్గాపూర్, జార్ఖండ్
జార్ఖండ్‌లో కూడా హోలీ పండుగ జరుపుకోని ప్రదేశం ఉంది. ఈ ఊరి పేరు దుర్గాపూర్ గ్రామం. 200 ఏళ్లుగా ఈ గ్రామంలో హోలీ పండుగ జరుపుకోవడం లేదు. ఈ రోజున రాజు కుమారుడు మరణించాడని నమ్ముతారు.. ఆ తర్వాత హోలీని జరుపుకోవడంపై నిషేధం విధించబడింది. కానీ ఊరి ప్రజలు మాత్రం హోలీ పండుగను జరుపుకోవడానికి పక్క ఊరికి వెళ్తారు.
బనస్కాంత
గుజరాత్‌లోని బనస్కాంత జిల్లాలో ఇలాంటి గ్రామం ఉందని – ఇక్కడ ప్రజలు హోలీని జరుపుకోరు. ఈ గ్రామం పేరు రంసాన్. ఈ గ్రామం కొంతమంది సాధువులచే శాపగ్రస్తమైంది. దీంతో ఇక్కడి ప్రజలు హోలీ జరుపుకోరు.
తమిళనాడు
దక్షిణ భారత రాష్ట్రమైన తమిళనాడులో కూడా హోలీ కనిపించకపోవడం గమనార్హం. హోలీ నాడు, ప్రజలు మాసి మాగం పండుగను జరుపుకుంటారు. నిజానికి ఇది స్థానికంగా జరిగే పండుగ. ఇలాంటి పరిస్థితుల్లో హోలీ వేడుకలు నీరసంగా కనిపిస్తున్నాయి.
రుద్రప్రయాగ
మీడియా కథనాల ప్రకారం, ఉత్తరాఖండ్‌లోని రుద్రప్రయాగ్ జిల్లాలోని క్విలీ, కుర్జాన్ మరియు జౌడ్లా మూడు గ్రామాలలో కూడా హోలీ పండుగను జరుపుకోరు. ఇక్కడి త్రిపుర సుందరి దేవతకి శబ్దాలు నచ్చవని స్థానికులు చెబుతారు.
