డబ్బులు సంపాదించేందుకు..ఒక పక్క మనుషులు ఎంతో కష్టపడుతున్నారు.. ఎంత కష్టపడినా వాళ్లు అవసరాల వరకే సంపాదిస్తున్నారు కానీ అంతకు మించి డబ్బులు మిగల్చలేకపోతున్నారు. మరోపక్క మనుషులు చాలా తేలిగ్గా డబ్బులు సంపాదిస్తున్నారు. అనవసరమైన వాటిని అమ్మేస్తూ లక్షలు గడిస్తున్నారు. ఒక వ్యక్తి తన మురికి పాదాల ఫోటోల ద్వారా డబ్బు సంపాదిస్తున్నాడు. మూడేళ్ళుగా చెప్పులు, బూట్లు వేసుకోని వ్యక్తి ఇప్పుడు మురికి కాళ్లతో లక్షలు సంపాదిస్తున్నాడు.
గడ్డిపై చెప్పులు లేకుండా నడవాలని చిన్ననాటి నుంచి పెద్దలు చెప్పే మాట.. ఎందుకంటే ఇది మన శరీరం బాగా అభివృద్ధి చెందడానికి సహాయపడుతుంది. కానీ ఈ రోజుల్లో ప్రజలు ఈ విషయాలను సంప్రదాయవాదంగా భావిస్తారు. ఇప్పుడు ఇళ్లలో కూడా చెప్పులు వేసుకుని తిరిగే పరిస్థితి నెలకొంది. ఈ సలహాను ఓ వ్యక్తి సీరియస్‌గా తీసుకున్నాడు..బూట్లు, చెప్పులు వదులుకుని వార్తల్లో నిలిచాడు.
ఆంగ్ల వెబ్‌సైట్ మిర్రర్‌లో ప్రచురించిన నివేదిక ప్రకారం.. జార్జ్ వుడ్‌విల్లే చెప్పులు మరియు బూట్లకు పూర్తిగా వీడ్కోలు పలికారు. వాటిని సంపాదన మార్గంగా మార్చుకున్నారు. నిజానికి, జార్జ్ తన మురికి పాదాలను ఫోటోలు తీసి సబ్‌స్క్రిప్షన్ సైట్‌లో పోస్ట్ చేశాడు. ఆశ్చర్యకరమైన విషయం ఏమిటంటే, ప్రజలు పాదాలను చూడటానికి డబ్బు చెల్లించి అతని ఖాతాకు సభ్యత్వాన్ని పొందారు. ఈ వ్యక్తి 21 ఏళ్ల వయసులో ఇలాంటి జీవనశైలిని అలవర్చుకోవాలని నిర్ణయించుకున్నాడట.
ఇంత వింత నిర్ణయం ఎందుకు తీసుకున్నారు?
ఈ వ్యక్తి తన పాదాల ఫోటోల ద్వారా ప్రతి నెలా రూ.53 వేల నుంచి రూ.లక్ష వరకు సంపాదిస్తున్నాడు. ఈ వ్యక్తి డబ్బు కోసమే ఇలా చేస్తున్నాడనే ప్రశ్న ఇప్పుడు మీ మనసులో తలెత్తవచ్చు, కానీ జార్జ్ అనేక రకాల మానసిక ఆరోగ్య సంబంధిత సమస్యలను ఎదుర్కొంటున్నందున ఇది అస్సలు కాదు. జార్జ్ తన బూట్లు, చెప్పులు విసిరేయాలని నిర్ణయించుకున్నప్పుడు, వారి కుటుంబసభ్యులు అస్సలు ఒప్పుకోలేదట.. కానీ ఇప్పుడు నా చెప్పులు లేని కాళ్ళతో డబ్బు సంపాదిస్తున్నాను అని అంటున్నాడు ఈ జార్జ్.
