అతి చేసి అడ్డంగా బుక్కయిన రిపోర్టర్!

మీడియా అంటేనే అతి అని అంటుంటారు అంతా. కానీ.. ఈ రిపోర్టర్ మాత్రం దాన్ని నిజం చేసి చూపించాడు. అవును.. చాలా అతి చేసి అడ్డంగా బుక్కయాడు. ఇంతకీ ఏం జరిగిందనేగా మీ డౌట్. ముందు వీడియో చూడండి.. తర్వత మాట్లాడుకుందాం.

చూశారు కదా వీడియో. అర్థమయిందా? అసలు మ్యాటర్ ఏంటంటే.. అమెరికాను ప్రస్తుతం హరికేన్ ఫ్లొరెన్స్ వణికిస్తున్న సంగతి తెలిసిందే కదా. అమెరికా తూర్పు తీర ప్రాంతాలయన నార్త్ కరోలినా, వర్జీనియా రాష్ట్రాల్లో బలమైన ఈదురు గాలులు వీస్తూ వర్షాలతో అలకల్లోలం అవుతున్నాయి. దీంతో బలంగా వీచే ఈదురుగాలులను కవర్ చేయడానికి ఓ చానెల్ రిపోర్టర్ రోడ్డు మీదికి వెళ్లాడు. ఇక.. బలంగా గాలులు వీస్తున్నట్టుగా మనోడు చేయి అడ్డం పెట్టుకొని గాలికి కింద పడకుండా ఆపుతున్నట్టుగా ఉంటుంది ఆయన పోజు. కానీ.. ఇంతలోనే అతడి వెనుక నుంచి ఇద్దరు వ్యక్తులు తాపీగా నడుచుకుంటూ వెళ్తారు. అది లైవ్ షో కావడంతో మనోడి అతిని గమనించిన ప్రేక్షకులు రిపోర్టర్ అతిపై తెగ మండిపడుతున్నారు.

ఆ రిపోర్టర్ అతికి సంబంధించిన వీడియోను కొంతమంది ఔత్సాహికులు సోషల్ మీడియాలో షేర్ చేశారు. అక్కడ ఈదురుగాలులు వీచేది కొంచమైతే.. నువ్వు ప్రపంచానికి బలంగా వీస్తున్నట్టు చూపించి.. ఏం చేద్దామనుకుంటున్నావంటూ నెటిజన్లు తెగ కామెంట్లు చేస్తున్నారు.