తమిళనాడులోని నమక్కల్ లో ఉన్న ఓ గుడిలో పూజలు చేస్తూ ప్రమాదవశాత్తు జారి పడి పూజారి మృతి చెందాడు. గుడిలో ఉన్న హనుమాన్ విగ్రహానికి పూల దండ వేయడానికి ఓ పూజారి మెట్ల మార్గం ద్వారా పైకి చేరుకున్నాడు. హనుమంతుడికి పూల దండ వేసిన తర్వాత ఆయన కాలు జారడంతో మెట్ల నుంచి కింద పడ్డాడు. దీంతో ఆయనకు తీవ్ర గాయాలయై మృతి చెందాడు. ఈ ఘటనకు సంబంధించిన వీడియో గుడిలోని సీసీటీవీ కెమెరాలో రికార్డయింది. ఆ వీడియో ప్రస్తుతం సోషల్ మీడియాలో వైరల్ గా మారింది.
అయితే.. ఈ ఘటనపై సోషల్ మీడియా చర్చ నడుస్తోంది. కొంతమంది ఆయన మృతికి సంతాపం ప్రకటించగా.. మరికొందరు నెటిజన్లు మాత్రం దేవుడికి పూజ చేస్తుండగా… ఆయన మృతి చెందితే.. దేవుడు ఎందుకు కాపాడలేకపోయాడంటూ కామెంట్లు పెడుతున్నారు.
