త్రిష కృష్ణన్ ఈ చెన్నై చిన్నది తాజగా చీరకట్టులో మాయ చేసింది. గ్రీన్ కలర్ చీరలో త్రిష చాలా సింపుల్గా ఎలిగెంట్గా కనిపించింది. పొన్నియిన్ సెల్వన్ 2 సినిమా ప్రచారంలో భాగంగా త్రిష ఈ ఔట్ఫిట్లో దర్శనమిచ్చింది. ప్రస్తుతం ఈ ఫొటోలు నెట్టింట వైరల్ అవుతున్నాయి. త్రిష సంప్రదాయ దుస్తుల్లో చాలా అందంగా కనిపిస్తుంది. ముఖ్యంగా చీరలో ఈ బ్యూటీ చేసే మాయే వేరు.
త్రిషను ఇలా చీరలో చూసి చాలా కాలమైందని తెలుగు ప్రేక్షకులు అంటున్నారు. అప్పుడెప్పుడో వర్షం, అతడు సినిమాల్లో లంగావోణీలో చూశామని.. ఆడవారి మాటలకు అర్థాలే వేరులో సినిమాలో ఒకసారి చీరకట్టులో చూశామని గుర్తు చేసుకున్నారు. ఆ తర్వాత త్రిషను చీరకట్టులో చూసిందేలేదని కామెంట్లు చేస్తున్నారు. చాలా రోజుల తర్వాత త్రిషను ఈ అట్టైర్లో చూస్తుంటే చాలా ఆనందంగా ఉందని హార్ట్ ఎమోజీస్ పోస్టు చేస్తున్నారు.
త్రిష ప్రస్తుతం పొన్నియిన్ సెల్వన్ 2 సినిమా ప్రమోషన్స్లో బిజీగా ఉంది. ఈ సినిమాలో త్రిష కుందవిగా నటిస్తోంది. పార్ట్ 1లో త్రిష నటన, అందం ప్రేక్షకులను మెస్మరైజ్ చేశాయి. మరి పార్ట్ 2లో త్రిష క్యారెక్టర్ ఎలా ఉండబోతోందో తెలియాలంటే సినిమా విడుదలయ్యే వరకు వేచి చూడాల్సిందే.
