కడుపు నిండా ఎన్ని రకాలు తిన్నాకానీ ఆఖరున ఒక్క గ్లాసు మజ్జిగ తాగితే గానీ తిన్న సంతృప్తి ఉండదు. కొందరికి అయితే మజ్జిగ తాగనిదే నిద్ర పట్టదు. మజ్జిగ లో ఉండే పోషకాలు అన్ని ఇన్ని కావు. ఆరోగ్య పరంగా కూడా మజ్జిగ చాలా మంచిది. ఎప్పటి నుంచో ఈ విషయం రుజువు అవుతున్నా సరే పెద్దగా కొంత మంది పట్టించుకునే ప్రయత్నం చేయరు. అయితే మజ్జిగ చాలా మంచిది.
భోజనం తర్వాత మజ్జిగ అన్నం తిన్నా లేదంటే ఒక గ్లాస్ మజ్జిగ తాగడం వల్ల జీర్ణవ్యవస్థ పనితీరు మెరుగుపడుతుంది.మజ్జిగ లో కొవ్వు పదార్థాలు చాలా తక్కువగాను, పోషకాలు అధికంగానూ ఉంటాయి.తిన్న ఆహారం సులువుగా జీర్ణం అవ్వడానికి, పేగుల ఆరోగ్యం గా ఉండటానికి మజ్జిగ సహకరిస్తుంది.మజ్జిగ తీసుకోవడం వల్ల శరీరం లో నీటిశాతం తగ్గకుండా ఉంటుంది.
పొటాషియం, క్యాల్షియం,విటమిన్ బి 12, మజ్జిగలో ఎక్కువగా ఉంటాయి.జీర్ణ సంబంధిత సమస్యలతో బాధ పడేవారికి మజ్జిగ మంచి మందులా పనిచేస్తుంది.కడుపులో మంట, పుండు పడటం, ఎసిడిటి వంటి సమస్యలు రాకుండా కాపాడుతుంది. ఇక వేసవిలో కూడా మజ్జిగ అనేది మంచి ఔషధం. ఈ విషయం తెలియక చాలా మంది డ్రింక్స్ తాగుతూ ఉంటారు. దాని బదులు మజ్జిగ మంచి ఫలితాన్ని ఇస్తుంది అంటున్నారు.
