వేసవి కాలం మొదలైంది.. ఇంట్లో ఉంటేనే సాయంత్రానికి అలిసిపోతున్నాం. ఇక బయటకు వెళ్లేవాళ్లు అయితే ఎండలకు అల్లాడిపోతున్నారు. ఎండల వల్ల వడదెబ్బ, తలనొప్పి కామన్గా వస్తుంటాయి. ఎండల వచ్చే తలనొప్పి అంత తేలిగ్గా పోదు. ఈరోజు మనం తలనొప్పిని తగ్గించే కొన్ని చిట్కాలను తెలుసుకుందాం.
![](https://manalokam.com/wp-content/uploads/2024/04/summer-1024x768.jpg)
కొంతమందికి వేసవి వేడిలో శరీరం డీహైడ్రేట్ అయినప్పుడు తలనొప్పిని ఎదుర్కొంటారు. కాబట్టి నీళ్లు ఎక్కువగా తాగాలి. ఐస్తో నిండిన ప్లాస్టిక్ ప్యాక్ను నుదుటిపై ఉంచడం వల్ల తలనొప్పి నుండి ఉపశమనం పొందవచ్చు. ఇది నుదుటికి రక్త ప్రసరణను పెంచుతుంది. ఇది తలనొప్పి నుంచి ఉపశమనం పొందటానికి సహాయపడుతుంది.
వేసవిలో మీ ఆహారాన్ని మార్చుకోండి. నీరు అధికంగా ఉండే పండ్లు మరియు కూరగాయలను చేర్చండి. శరీరాన్ని హైడ్రేటెడ్గా ఉంచడానికి ఇది గొప్ప మార్గం. దీంతో తలనొప్పిని కూడా నివారించవచ్చు.
లావెండర్ ఆయిల్ తలనొప్పి నుండి ఉపశమనం పొందడంలో సహాయపడుతుందని అధ్యయనాలు చెబుతున్నాయి. దీని కోసం, ఒక టిష్యూ పేపర్పై కొన్ని చుక్కల లావెండర్ ఆయిల్ పోసి దాని సువాసనను పీల్చుకోండి.
అల్లం తలనొప్పి నుండి ఉపశమనం కలిగించే ఏకైక మసాలా. దీని కోసం, అల్లం రసం మరియు నిమ్మరసం సమంగా కలపండి. తర్వాత త్రాగండి.
హెర్బల్ టీలు తాగడం వల్ల కూడా తలనొప్పిని నివారించవచ్చు.
ముఖ్యంగా వేసవిలో ఆహారంపై ప్రత్యేక శ్రద్ధ పెట్టాలి. బిర్యానీలు, మసాల కూరలు ఎక్కువగా తింటే కడుపుకు చాలా చిరాకుగా ఉంటుంది. అవి త్వరగా అరగవు. దాని వల్ల గ్యాస్, కడుపు ఉబ్బరం, తలనొప్పి వంటి సమస్యలు వస్తాయి. కాబట్టి ఈ సమ్మర్లో మసాల వంటలకు, ఆయిల్ ఫుడ్స్కు కాస్త దూరంగా ఉండటం మంచిది.