ఆరోగ్యంగా ఉంటేనే ఏదైనా చేయగలం. ఆరోగ్యం లేకపోతే ఏది చెయ్యాలన్నా కుదరదు. అందుకనే ఆరోగ్యకరమైన పద్ధతులను అనుసరిస్తూ ఉండాలి. సరైన ఆహార పదార్థాలు తీసుకోవడం, ఆరోగ్యానికి మేలు చేసే పద్ధతులు అనుసరించడం చాలా ముఖ్యం. అయితే ఈ తప్పులు కనుక చేస్తే మరిన్ని ఇబ్బందులు వస్తాయి. మరి వాటి కోసం మనం ఇప్పుడే తెలుసుకుందాం.
బద్ధకంగా ఉండడం:
చాలా మంది చాలా బద్దకంగా ఉంటారు. బద్ధకంగా ఉండడం వల్ల శారీరక ఆరోగ్యం మాత్రమే కాదు మానసిక ఆరోగ్యం పై కూడా ప్రభావం పడుతుంది. ఇది మానసిక ఆరోగ్యాన్ని తగ్గిస్తుంది. అలానే నెగిటివ్ ప్రభావాన్ని చూపిస్తుంది కాబట్టి వీలైనంత వరకు బద్దకాన్ని తొలగించుకుని యాక్టివ్ గా ఉండటం మంచిది.
సరైన ఆహార పదార్థాలను తీసుకోకపోవడం:
చాలా మంది ఈ తప్పులు చేస్తూ ఉంటారు. తప్పకుండా ప్రతి ఒక్కరు ఆహారం పట్ల శ్రద్ధ తీసుకోవాలి శరీరానికి అవసరమయ్యే క్యాలరీలు, పోషక పదార్థాలు తీసుకోవాలి. ఎక్కువ ఫ్యాట్ ఉండే వాటిని తీసుకోకూడదు. కాబట్టి మీరు తీసుకొనే ఆహారం పట్ల శ్రద్ధ తప్పక తీసుకోండి.
ఒత్తిడి:
ఒత్తిడి వల్ల ఎన్నో అనారోగ్య సమస్యలు వస్తూ ఉంటాయి. కాబట్టి వీలైనంత వరకు రిలాక్స్ గా ఉండండి. ఒత్తిడి బారిన పడకుండా మిమ్మల్ని మీరు జాగ్రత్తగా చూసుకోండి. అలానే రోజుకి 7 నుంచి 8 గంటల పాటు నిద్రపోండి ఇలా ఒత్తిడి నుంచి దూరంగా ఉండొచ్చు.
తక్కువ నీళ్లు తాగడం:
వీలైనంత వరకు ఎక్కువ నీళ్లు తాగుతూ ఉండండి. కనీసం రోజుకి ఎనిమిది గ్లాసులు నీళ్ళు తాగండి. ఎక్కువ నీళ్లు తాగకపోవడం వల్ల డీహైడ్రేషన్ మొదలు ఎన్నో సమస్యలు వస్తాయని గుర్తుంచుకోండి.
ఆల్కహాల్ ఎక్కువగా తీసుకోవడం:
రోజూ ఎక్కువగా ఆల్కహాల్ తీసుకోవడం వల్ల కూడా అనారోగ్య సమస్యలు వస్తాయి. కనుక ఎక్కువగా ఆల్కహాల్ తీసుకునే అలవాటు ఉంటే మానుకోవడం.
