రేబిస్ అనేది ఒక ప్రాణాంతక వైరల్ వ్యాధి ఇది సాధారణంగా కుక్కలు, కోతులు, పిల్లులు, గబ్బిలాలు వంటి జంతువుల లాలాజలం ద్వారా మనుషులకు వ్యాపిస్తుంది. ఒక చిన్న గాయం అంటే ఒక కుక్క కాటు లేదా గీకడం కూడా ఈ భయంకరమైన వ్యాధికి దారితీయవచ్చు. రేబిస్ వైరస్ మన నాడీ వ్యవస్థపై దాడి చేస్తుంది. అందుకే ఇది మొదట్లో తల తిరగడం, జ్వరం నీళ్ళు తాగాలంటే భయం వంటి లక్షణాలను కలిగిస్తుంది. ఆ తర్వాత కోమాలోకి వెళ్లి చివరకు మరణానికి దారి తీస్తుంది. ఈ వ్యాధికి ఒకసారి లక్షణాలు కనిపించడం మొదలైతే, చికిత్స చేయడం దాదాపు అసాధ్యం, అందుకే రేబిస్ కు నివారణే సరైన మార్గం.
దురదృష్టకర సంఘటన: ఈ మధ్య కాలంలో ఒక విషాదకర సంఘటన జరిగింది. కుక్క కాటుకు గురైన తన పాపకు రేబిస్ సోకిందేమోనని భయపడిన ఒక తల్లి, ఆ పాపతో సహా తమ ప్రాణాలు తీసుకుంది. ఈ ఘటన ఎంత బాధాకరమైనదో అంతే భయంకరమైనది. ఈ తల్లికి రేబిస్ గురించి పూర్తి అవగాహన లేకపోవడం, సరైన సమయంలో వైద్య సహాయం తీసుకోకపోవడం వల్ల ఈ దారుణం జరిగింది. ఇలాంటి సంఘటనలు, రేబిస్ వ్యాధి గురించి ప్రజలకు ఎంత అవగాహన అవసరమో తెలియజేస్తున్నాయి. భయంతో ప్రాణాలు తీసుకోవడం పరిష్కారం కాదు, రేబిస్‌కు సరైన సమయంలో చికిత్స తీసుకుంటే అది నయం అవుతుంది.
చికిత్స, నివారణా మార్గాలు: గాయాన్ని శుభ్రం చేయడం మొదట చేయాలి వెంటనే గాయాన్ని సబ్బు, నీళ్లతో బాగా కడగాలి. ఇది వైరస్ వ్యాప్తిని తగ్గించడంలో సహాయపడుతుంది. వెంటనే వైద్యుడిని సంప్రదించండి. జంతువు కాటు వేసిన వెంటనే ఆలస్యం చేయకుండా వైద్యుడిని సంప్రదించాలి. టీకా వేయించుకోవడం ముఖ్యం వైద్యుడి సలహా మేరకు రేబిస్ నివారణ టీకా (Rabies Vaccine) తప్పకుండా వేయించుకోవాలి. ఈ టీకాను కొన్ని డోస్‌లలో, కొన్ని రోజుల వ్యవధిలో వేసుకుంటారు.
ముఖ్య విషయం: రేబిస్ వ్యాధి లక్షణాలు కనిపించిన తర్వాత చికిత్స చేయడం చాలా కష్టం. అందుకే ఆలస్యం చేయకుండా టీకా తీసుకోవడం ఒక్కటే సరైన మార్గం. పెంపుడు జంతువులకు క్రమం తప్పకుండా టీకాలు వేయించడం కూడా చాలా ముఖ్యం.
గమనిక: ఈ ఆర్టికల్‌లో ఇచ్చిన సమాచారం సాధారణ అవగాహన కోసం మాత్రమే. జంతువు కాటుకు గురైనప్పుడు వెంటనే వైద్యుడిని సంప్రదించడం చాలా ముఖ్యం.
