చాలామంది మహిళలకు పీరియడ్స్ (రుతుస్రావం) రావడానికి కొన్ని రోజుల ముందు పొత్తికడుపులో, నడుము భాగంలో నొప్పి, అసౌకర్యం, తలనొప్పి, మూడ్ స్వింగ్స్ వంటి లక్షణాలు కనిపిస్తాయి. దీనిని ప్రీమెన్స్ట్రువల్ సిండ్రోమ్ (PMS) అని పిలుస్తారు. ఈ నొప్పుల నుండి ఉపశమనం పొందడానికి కొన్ని సులభమైన, ప్రభావవంతమైన ఇంటి చిట్కాలు మరియు ఆయుర్వేద రెమెడీస్ ఉన్నాయి.వాటి గురించి తెలుసుకుందాం ..
సులభమైన ఇంటి చిట్కాలు: నొప్పి ఉన్న ప్రాంతంలో వేడి నీటి బాటిల్ లేదా హీటింగ్ ప్యాడ్‌తో కాపడం పెట్టుకోవడం వల్ల కండరాలు విశ్రాంతి పొంది, నొప్పి తగ్గుతుంది. పీరియడ్స్ సమయంలో నొప్పి ఎక్కువగా ఉన్నప్పుడు వ్యాయామం చేయడం కష్టం అనిపించినా, తేలికపాటి నడక, యోగా లేదా స్ట్రెచింగ్ వంటివి నొప్పిని తగ్గిస్తాయి. ఇవి శరీరంలో రక్త ప్రసరణను మెరుగుపరుస్తాయి. ఉప్పు, చక్కెర, మరియు కెఫిన్ అధికంగా ఉండే ఆహారాలను తగ్గించడం మంచిది. బదులుగా, ఆకుకూరలు, పండ్లు, కూరగాయలు మరియు తృణధాన్యాలు వంటి పోషకాలున్న ఆహారాన్ని తీసుకోవాలి. ఇక ఆయుర్వేదం ప్రకారం కొన్ని మూలికలు నొప్పిని తగ్గించడానికి సహాయపడతాయి.
అల్లం టీ: అల్లంను చిన్న ముక్కలుగా చేసి, నీటిలో వేసి మరిగించి, ఆ నీటిని టీ లాగా తాగాలి. అల్లంలో ఉండే యాంటీ ఇన్‌ఫ్లమేటరీ గుణాలు నొప్పిని తగ్గించడంలో సహాయపడతాయి.
శొంఠి, జీలకర్ర కషాయం: ఎండిన అల్లం (శొంఠి) పొడిని, జీలకర్ర పొడిని ఒక గ్లాసు వేడి నీటిలో కలిపి తాగడం వల్ల పొత్తికడుపు నొప్పి తగ్గుతుంది.
తిప్పతీగ: ఆయుర్వేదంలో వాడే తిప్పతీగ (Giloy) నరాల బలహీనతను తగ్గించి, నొప్పి నివారణకు సహాయపడుతుంది.
వేడి నూనెల మసాజ్: ఆవ నూనె లేదా నువ్వుల నూనెను గోరు వెచ్చగా చేసి పొత్తికడుపు, నడుము భాగంలో మసాజ్ చేయడం వల్ల వాత దోషం తగ్గుతుంది, కండరాల నొప్పులు తగ్గుతాయి.
వాము మరియు బెల్లం: వామును కొంచెం వేయించి, బెల్లంతో కలిపి తినడం వల్ల పొత్తికడుపు ఉబ్బరం, నొప్పి తగ్గుతాయి.
గోరు వెచ్చని నీటితో స్నానం: వేడి నీటితో స్నానం చేయడం వల్ల శరీరం రిలాక్స్ అవుతుంది, కండరాల నొప్పులు తగ్గుతాయి.
గమనిక: పైన ఇచ్చిన సమాచారం కేవలం సాధారణ ఇంటి చిట్కాలు మాత్రమే. మీకు నొప్పి తీవ్రత ఎక్కువగా ఉంటే, లేదా ఈ చిట్కాలతో ఉపశమనం లభించకపోతే, వైద్యుడిని సంప్రదించి తగిన సలహా తీసుకోవడం అవసరం.
 రావడానికి కొన్ని రోజుల ముందు పొత్తికడుపులో, నడుము భాగంలో నొప్పి, అసౌకర్యం, తలనొప్పి,){kind=link}