ఈ మధ్య కాలంలో చాలా మంది అనారోగ్య సమస్యలకు గురవుతున్నారు. అలా అనారోగ్య సమస్యల బారిన పడకుండా ఆరోగ్యంగా ఉండాలంటే మంచి పోషకాహారం తీసుకోవాలి. అలానే ఎక్కువ మంది ఎదుర్కొనే సమస్యలలో ఎనిమియా సమస్య ఒకటి. ముఖ్యంగా మహిళలు ఎనీమియా సమస్యతో బాధపడుతూ ఉంటారు.
ఐరన్ లోపం కారణంగా ఎనీమియా సమస్య వస్తుంది. దీని కారణంగా చెస్ట్ పెయిన్, శ్వాస తీసుకోవడంలో ఇబ్బందులు మొదలైన సమస్యలు ఎన్నో వస్తాయి. అందుకని ఎనీమియా సమస్య బారిన పడకుండా ఐరన్ లోపం లేకుండా చూసుకోవడం చాలా ముఖ్యం. అయితే ఐరన్ లోపం కలగకుండా ఉండాలంటే ఏ ఆహార పదార్థాలు మీకు సహాయ పడతాయి..?, వీటిని రెగ్యులర్ గా తీసుకోవడం వల్ల ఎనీమియా బారిన పడకుండా ఆరోగ్యంగా ఉండొచ్చు..? మరి అవేమిటో ఇప్పుడు చూద్దాం.
బెల్లం:
బెల్లం ఆరోగ్యానికి చాలా మేలు చేస్తుంది. దీని వల్ల చాలా ప్రయోజనం పొందవచ్చు. అలానే ఎనీమియా సమస్య బారిన పడకుండా బెల్లం మనల్ని రక్షిస్తుంది.
ఉసిరి:
ఉసిరిలో విటమిన్ సి సమృద్ధిగా ఉంటుంది. అలానే ఇతర పదార్థాలు సమృద్ధిగా ఉంటాయి. ఉసిరిని డైట్ లో తీసుకోవడం వల్ల ఎనీమియా బారిన పడకుండా ఉండొచ్చు.
ఎండు ద్రాక్ష:
ఎండు ద్రాక్ష కూడా ఆరోగ్యానికి చాలా మంచిది. ఇందులో కూడా ఐరన్ మనకి లభిస్తుంది. ఎండుద్రాక్షలో కాపర్ మరియు ఇతర విటమిన్స్ కూడా ఉంటాయి. ఎండు ద్రాక్షను నానబెట్టి వాటిని తీసుకుంటే ఎనీమియా బారిన పడకుండా ఉండొచ్చు. అలాగే ఇతర ప్రయోజనాలను కూడా పొందవచ్చు. కాబట్టి రెగ్యులర్ గా డైట్ లో వీటిని తీసుకోండి. ఎనీమియా బారిన పడకుండా ఆరోగ్యంగా ఉండొచ్చు.
