భారతదేశంలో ఆధార్ కార్డు అత్యంత ముఖ్యమైన గుర్తింపు పత్రం. నేడు, బ్యాంకు ఖాతా తెరవడం నుండి వివిధ ప్రభుత్వ సౌకర్యాలను పొందడం వరకు ప్రతి పనికి ఆధార్ తప్పనిసరి. కాబట్టి ఆధార్ కార్డును జేబులో లేదా బ్యాగ్‌లో పెట్టుకోని తిరగాలి. ఆఖరికి ఫోన్‌లో ఫోటో అయినా ఉండాల్సిందే.. అయితే, mAadhaar అప్లికేషన్ ఈ సమస్యను నివారించింది. యూనిక్ ఐడెంటిఫికేషన్ అథారిటీ ఆఫ్ ఇండియా (UIDAI) mAadhaar అప్లికేషన్ ప్రజలు తమ ఆధార్ కార్డ్ సమాచారాన్ని స్మార్ట్ ఫోన్‌లలో స్టోర్ చేసుకోవడానికి అనుమతిస్తుంది. ఇది వారి చిరునామా, జనాభా సమాచారం మరియు QR కోడ్‌ను తక్షణమే పొందడానికి వారికి సహాయపడుతుంది.
mAadhaar యాప్‌లో ప్రొఫైల్‌ను ఎలా క్రియేట్‌ చేసుకోవాలంటే..
UIDAI ఇచ్చిన సమాచారం ప్రకారం, రిజిస్టర్డ్ మొబైల్ నంబర్‌కు ఆధార్ లింక్ చేసిన వ్యక్తులు మాత్రమే MAadhaar అప్లికేషన్‌ను డౌన్‌లోడ్ చేసుకోగలరు. ఏదైనా స్మార్ట్ ఫోన్‌లో mAadhaar అప్లికేషన్‌ను ఇన్‌స్టాల్ చేసినట్లయితే ప్రొఫైల్‌ను నమోదు చేసుకోవచ్చు. దీని కోసం OTP రిజిస్టర్డ్ మొబైల్ నంబర్‌కు మాత్రమే పంపబడుతుంది.
ముందుగా ఏదైనా Android లేదా iOS పరికరంలో దీన్ని తెరవండి. ఆ తర్వాత ఎగువన ‘రిజిస్టర్ ఆధార్’ ఎంచుకోండి.
ప్రొఫైల్ తెరవడానికి 4 అంకెల పిన్ లేదా పాస్‌వర్డ్‌ను రూపొందించండి.
ఆ తర్వాత మీ ఆధార్ నంబర్ మరియు క్యాప్చా కోడ్‌ను నమోదు చేయండి. ఇప్పుడు మీకు OTP వస్తుంది.
OTPని నమోదు చేసి, ‘సమర్పించు’ బటన్‌పై క్లిక్ చేయండి.
ఈ ప్రక్రియ విజయవంతంగా పూర్తయిన తర్వాత ప్రొఫైల్ నమోదు చేయబడుతుంది. (ఆధార్‌లోని పేరు నమోదు చేయబడిన ట్యాబ్‌లో కనిపిస్తుంది.)
చివరిగా, దిగువ మెనులో ‘నా ఆధార్’ని తెరిచి, డాష్‌బోర్డ్‌ను యాక్సెస్ చేయడానికి పిన్/పాస్‌వర్డ్‌ను నమోదు చేయండి.
mAadhaar యాప్ యొక్క ప్రయోజనాలు
MAadhaar యాప్ ఆన్‌లైన్‌లో ఆధార్ సమాచారాన్ని వీక్షించడానికి సహాయపడుతుంది.
ఒకే స్మార్ట్ ఫోన్‌లో 5 మంది కుటుంబ సభ్యుల సమాచారాన్ని భద్రపరుచుకోవచ్చు.
ఐడెంటిటీ అథెంటికేషన్ సామర్థ్యాన్ని పెంచడానికి వినియోగదారులు e-KYC లేదా QR కోడ్‌ని సర్వీస్ ప్రొవైడర్‌లతో షేర్ చేయవచ్చు.
అదనపు రక్షణ కోసం భద్రతా చర్యలు/బయోమెట్రిక్ సౌకర్యాలు అందించబడ్డాయి.
