గ్లోబల్ ఎకనామిక్ మార్కెట్‌లో ప్రతి దేశం యొక్క డబ్బుకు భిన్నమైన విలువ ఉంటుంది. అంటే ఒక US డాలర్ 83 భారతీయ రూపాయలు. అందుకే చాలా మంది డబ్బులు సంపాదించడానికి, లైఫ్‌లో సెటిల్‌ అవడానికి అమెరికా వెళ్తుంటారు. కానీ మన ఇండియన్ రూపాయికి ఒక దేశంలో అమెరికన్‌ డాలర్ కంటే ఎక్కువ విలువ ఉందని మీకు తెలుసా..? ఒక్క రూపాయి విలువ అక్కడ 500. ఆ దేశం ఏదో కాదు ఇరాన్.
ఇరాన్ కరెన్సీ విలువ:
ఇరాన్ ప్రపంచంలోనే అతిపెద్ద చమురు ఉత్పత్తిదారు అయినప్పటికీ, యునైటెడ్ స్టేట్స్ ఆ దేశంపై సంవత్సరాలుగా అనేక ఆర్థిక ఆంక్షలు విధించింది. దేశ కరెన్సీ విలువ ఇంత దారుణంగా ఉండడానికి ఇదే కారణం. అందుకే ఇరాన్‌లో భారత రూపాయి 500 రూపాయలకు సమానం.
ఇరాన్‌పై అమెరికా ఆంక్షలు:
ఇరాన్ ఆర్థికంగా పటిష్టంగా ఉన్నప్పటికీ ప్రపంచ శక్తులు ఇచ్చిన తీవ్ర సంక్షోభం కారణంగా ఆ దేశ కరెన్సీ విలువ అట్టడుగు స్థాయికి చేరుకుంది. అంతే కాకుండా ఇరాన్ పై అమెరికా విధించిన ఆంక్షల కారణంగా అమెరికాకు భయపడి చాలా దేశాలు ఇరాన్ నుంచి ముడి చమురును కొనుగోలు చేయడం లేదు. అందుకే అంతర్జాతీయ మార్కెట్‌లో ఇరాన్ ఆర్థిక వ్యవస్థ క్షీణించడం ప్రారంభించింది.
ఇరాన్ భారతదేశ సంబంధాలు:
ఇరాన్ ఆర్థిక పరిస్థితి మరీ దారుణంగా ఉన్నప్పటికీ ప్రాచీన కాలం నుంచి ఇరాన్ తో భారత్ సత్సంబంధాలు కొనసాగించడం గమనార్హం. అలాగే ఇండియన్ కరెన్సీలో 10,000 రూపాయలతో ఇరాన్ టూర్ కి వెళ్లి విలాసంగా ఉంటూ హాయిగా ప్రయాణం చేయవచ్చు.
US డాలర్:
భారత్‌తో సహా కొన్ని దేశాలు మాత్రమే తమ స్థానిక కరెన్సీలో ఇరాన్‌తో వ్యాపారం చేయడం గమనార్హం. యుఎస్‌తో కొనసాగుతున్న శత్రుత్వాల కారణంగా, ఈ దేశంలో యుఎస్ డాలర్ అంగీకరించబడదు. ముఖ్యంగా, ఈ దేశంలో US డాలర్లను కలిగి ఉండటం చాలా పెద్ద నేరం. ఈ కారణంగా, ఈ దేశంలో US డాలర్లను స్మగ్లింగ్ చేసే పరిశ్రమ పెరుగుతోంది.
