జీవితంలో ఎప్పుడైనా మార్పులు చేసుకుంటేనే ఎదుగుదల ఉంటుంది. అయితే విద్యార్థులు ఈ అలవాట్లను మీ జీవితంలో చేసుకుంటే సక్సెస్ ను పొందవచ్చు. విద్యార్థులు సమయాన్ని అస్సలు వృధా చేసుకోకూడదు. ముందుగానే మీరు పూర్తి చేయాలి అని అనుకున్నవాటికి ప్రాధాన్యత ఇస్తూ ఒక దగ్గర రాయండి. ఇలా చేసిన తర్వాత వాటిని పాటిస్తే అన్ని పనులు సమయానికి పూర్తి అవుతాయి. దీంతో సమయం వృధా అవ్వకుండా ఉంటుంది. మీ లక్ష్యాన్ని మీరే నిర్ణయించుకోవాలి. ఏదైతే సాధించాలి అని అనుకుంటున్నారో దానికి సంబంధించి కొంత సమయాన్ని కేటాయించడం మరియు దాని పై పనిచేయడం వంటివి చేయాలి.
చాలా శాతం మంది లక్ష్యాన్ని పెట్టుకుంటారు, కాకపోతే మోటివేషన్ లేకపోవడం వలన ఎక్కువ శ్రద్ధ చూపరు. కనుక అందరికీ జీవితంలో ఓర్పు ఉండాలి మరియు ఒక పనిని స్థిరంగా చేస్తూ ఉండాలి. విద్యార్థులు చదువుకోవడాన్ని ఒక అలవాటుగా మార్చుకోవాలి ఇలా చేయడం వలన చివరి నిమిషంలో ఒత్తిడి ఉండదు. మీరు చదవడంతో పాటుగా ఒక నోట్స్ ను కూడా తయారు చేసుకోవాలి. ఇలా చేయడం వలన తిరిగి చదువుకోడానికి సులువుగా ఉంటుంది మరియు క్లారిటీ కూడా బాగుంటుంది.
విద్యార్థులు చాలా సమయాన్ని నేర్చుకోవడానికి కేటాయిస్తారు. కాకపోతే తిరిగి వాటిని చదవడం వంటివి చేయరు. దాని వలన సరైన ఫలితం ఉండదు. కాబట్టి మీరు నేర్చుకున్న దాన్ని తిరిగి చదవడం వంటివి చేయాలి. దీంతో మీకు కాన్ఫిడెన్స్ కూడా పెరుగుతుంది. చాలా శాతం మంది అన్ని పనులను ఒకేసారి పూర్తి చేద్దామని అనుకుంటారు. కాకపోతే దేన్నీ పూర్తి చేయలేరు. కనుక ఎప్పుడూ ఒక పని అయిన తర్వాత మాత్రమే ఇంకొక పని చేయాలి. ఇలా ఇటువంటి చిన్న చిన్న అలవాట్లను మీ జీవితంలో చేసుకోవడం వలన మీ లక్ష్యాలను సరైన విధంగా పూర్తి చేయగలుగుతారు మరియు విజయాన్ని సాధిస్తారు.
