మన చుట్టూ ఉండే మనుషులే మన అభివృద్ధిని డిసైడ్ చేస్తారు. ఈ మాట తప్పుగా అనిపించవచ్చు కానీ చాలా నిజం. మీ చుట్టూ పాజిటివ్ వ్యక్తులు ఉంటే మీరు జీవితంలో ఎదుగుతారు. నెగిటివ్ వ్యక్తులు ఉంటే లోతుల్లోకి పడిపోతారు.
మీరు జాబ్ చేస్తున్నప్పుడు మీ చుట్టుపక్కల నెగటివ్ వ్యక్తులను ఉంచుకోకూడదు.
కంప్లైంట్ చేసే వారిని:
మీ టీం లో మీ మీద ప్రతిసారి కంప్లైంట్ చేసే వాళ్లకు దూరంగా ఉండండి. పని చేతకాక మీ మీద వాళ్లు కంప్లైంట్ చేస్తూ ఉంటారు. దానివల్ల మీ ఎనర్జీ నశించిపోతుంది.
గాసిప్స్ మాట్లాడేవారు:
ఇలాంటి వాళ్లు మొదట్లో స్నేహంగానే కనిపిస్తారు. కానీ ఆఫీసులో అందరి గురించి మీతో చెప్పే వీళ్ళు.. మీ గురించి అవతలి వాళ్ళతో చెప్తారని తెలుసుకోండి. ఇలాంటి వాళ్లకు దూరంగా ఉంటే బెటర్.
కుళ్లుకునే వారికి:
సాధారణంగా కొలీగ్స్ మధ్య కుళ్ళు ఎక్కువగా ఉంటుంది. ఉదాహరణకు మీరు బెస్ట్ ఎంప్లాయ్ గా నిలిచారనుకుందాం. కొద్దిమంది మాత్రమే నిజాయితీగా కంగ్రాట్స్ చెప్తారు. చాలామందికి కుళ్ళు ఉంటుంది. అలాంటి వాళ్లకు బహుదూరం పాటించండి.
మిమ్మల్ని వాడుకునే వారికి:
కొంతమంది కొలీగ్స్.. మాటిమాటికి మీ సమయాన్ని వాడుకుంటూ ఉంటారు. దానివల్ల మీకు వచ్చేది ఏమీ ఉండదు. స్నేహం అనే పేరు చెప్పి మీ టైం వృధా చేస్తుంటారు. వీళ్ళతో యమ డేంజర్.
జడ్జ్ చేసే వాళ్ళకి:
కొంతమంది ప్రతి విషయాన్ని జడ్జ్ చేసేస్తుంటారు. వీళ్లంతే, వాళ్ళింతే అంటూ స్టేట్మెంట్లు ప్రకటిస్తారు. ఇలాంటి వాళ్లు ఎక్కువగా మేనేజర్ల మీద కోపంతో ఉంటారు. మేనేజర్లకు ఏమీ రాదు అంటారు. వీళ్ళతో జాగ్రత్తగా ఉండాలి.
