ఇండియాలో ఆటోమొబైల్ మార్కెట్‌లో పోటీ గట్టిగా ఉంది. ఒకదాన్ని మించి ఒకటి వస్తున్నాయి. హ్యుందాయ్ క్రేటా నుంచి టాటా నెక్సాన్, కియా సెల్టోస్ వరకు.. అనేక మోడల్స్ మధ్య పోటీ విపరీతంగా కనిపిస్తోంది. అయితే వీటన్నింటినీ మారుతీ సుజుకీ గ్రాండ్ విటారా ఢీకొట్టింది. సేల్స్ పరంగా.. ఈ ఎస్యూవీ దూసుకెళుతోంది. ఈ నేపథ్యంలో ఈ ఎస్యూవీలో 7 సీటర్ వర్షెన్ని తీసుకొచ్చేందుకు సంస్థ ప్లాన్ చేస్తోంది. ప్రస్తుతం వై17 రెండర్గా టెస్టింగ్ దశలో ఉన్న ఈ ఎస్యూవీలో 7 సీటర్ వర్షెన్ని.. 2025 నాటికి మార్కెట్లోకి తీసుకు రావాలని సంస్థ చూస్తోంది. అంతేకాకుండా.. 6 సీటర్ వర్షెన్ కూడా వస్తుందని టాక్ నడుస్తోంది.
మారుతీ సుజుకీ గ్రాండ్ విటారా..
7 సీటర్ మారుతి సుజుకీ గ్రాండ్ విటారాని.. మొదట ప్రవేశపెట్టే అవకాశం ఉంది. ఇందులో కంపెనీకి ప్రస్తుతం ఉన్న 1.5-లీటర్ 4 సిలిండర్ కే 15 సీ మైల్డ్ హైబ్రీడ్ పెట్రోల్, 1.5-లీటర్ 3 సిలిండర్ స్ట్రాంగ్ హైబ్రీడ్ పెట్రోల్ ఇంజన్లు ఉన్నాయి. డిసెంబర్ 2023లో గ్రాండ్ విటారా 5 సీటర్ ఎస్యూవీకి చెందిన 6988 యూనిట్లను విక్రయించింది దిగ్గజ ఆటోమొబైల్ సంస్థ.
ఆన్‌ రోడ్‌ హైదరాబాద్‌లో మారుతీ సుజుకీ గ్రాండ్ విటారా ధర: కే 15సీ డ్యూయెల్ జెట్, డ్యూయెల్ వీవీటీ స్మార్ట్ హైబ్రీడ్ పెట్రోల్‌లో, మిడ్- వేరియంట్లలో లభిస్తుంది. టాప్-ఎండ్ వేరియంట్లలో టయోటా నుంచి తీసుకున్న శక్తివంతమైన హైబ్రిడ్ ఇంజిన్ ఉండొచ్చు. ముఖ్యంగా 7 సీటర్ మారుతి సుజుకి గ్రాండ్ విటారాని.. టయోటా హైరైడర్ ఆధారంగా రూపొందిస్తున్నట్టు తెలుస్తోంది.ఇండియన్ మార్కెట్లోకి ఎంట్రీ ఇచ్చిన తర్వాత.. వై17 మోడల్ మారుతీ సుజుకీకి చెందిన అతిపెద్ద ఐసీఈ ఎస్యూవీగా నిలుస్తోంది. దీని ఎక్స్-షోరూమ్ ధర రూ .15 లక్షల కన్నా ఎక్కువే ఉండొచ్చని టాక్. ఇది టాటా సఫారీ, ఎంజీ హెక్టర్ ప్లస్, సిట్రోయెన్ సీ3 ఎయిర్క్రాస్, మహీంద్రా ఎక్స్యూవీ 700, హ్యుందాయ్ అల్కజార్, త్వరలో లాంచ్కానున్న రెనాల్ట్ డస్టర్ వంటి మోడల్స్తో పోటీపడనుంది.
డిజైన్ పరంగా చూసుకుంటే.. 7 సీటర్ ఎస్యూవీకి, ప్రస్తుతం ఉన్న మారుతీ సుజుకీ గ్రాండ్ విటారాకు పెద్దగా తేడాలు లేనట్లే ఉంది. కానీ పొడవు కాస్త ఎక్కువ ఉండొచ్చు. సుజుకీ బ్యాడ్జీలతో కూడిన క్రోమ్ బార్, బ్లాక్ హెక్సాగోనల్ గ్రిల్ సెక్షన్, షార్ప్ ట్రిపుల్ బీమ్ ఎల్ఈడీ హెడ్ ల్యాంప్స్, వర్టికల్ ఎల్ఈడీ ఫాగ్ ల్యాంప్స్, వెడల్పాటి తక్కువ ఎయిర్ ఇన్టేక్, కండరాల బానెట్ ఉంటాయి. సైడ్ ప్రొఫైల్ కొత్త డిజైన్తో పెద్ద చక్రాలు ఉన్నాయి.
