సాధారణంగా డ్రైవింగ్ లైసెన్స్ కావలి అంటే డ్రైవింగ్ టెస్ట్ పెడతారు. దానితో లైసెన్స్ ని ఇస్తారు. కానీ ఇది మాత్రం అధునాతన సాంకేతికను ఉపయోగించి రూపొందించడం జరిగింది. అయితే దీని వలన సరిగ్గా డ్రైవింగ్ లైసెన్స్ ని ఇవ్వాలో లేదో అనేది కూడా ఇది డిటెక్ట్ చేస్తుంది. నిజంగా చూస్తే వావ్ అంటారు. ఎందుకంటే వాహనమే డ్రైవింగ్ సామర్ధ్యాన్ని డిటెక్ట్ చేసేస్తుంది.
ఇక దీని కోసం పూర్తిగా చూస్తే… కృత్రిమ మేథస్సు ప్రయోజనాలను అందిపుచ్చుకునేందుకు పోటీ పడుతున్న యూఏఈ రోడ్ సెఫ్టీ విషయం లో మరింత స్ట్రిక్ట్ గా వ్యవహరిస్తోంది. దీని లో భాగంగా ఇక పై డ్రైవింగ్ లైసెన్స్ ఇవ్వాలి అంటే స్మార్ట్ కార్ల ద్వారా జరిగే టెస్ట్ డ్రైవ్ లో కనుక సామర్ధ్యం ఉంది అని తెలిస్తేనే అందిస్తుంది. ముందస్తుగా అబుధాబి ఎమిరాతి పరిధిలో ఈ విధానం అమలు లోకి వచ్చింది.
డ్రైవింగ్ లైసెన్స్ కోసం దరఖాస్తు చేసుకునే వారికి ఇక పై తప్పక ఆర్టిఫిషియల్ ఇంటలిజెన్స్ ఇముడ్చుకున్న స్మార్ట్ కారు ద్వారానే డ్రైవింగ్ టెస్ట్ నిర్వహిస్తున్నట్టు అబుధాబి పోలీసులు అన్నారు. ఆ కారే డ్రైవింగ్ సామర్ధ్యాన్ని చెప్పేస్తుంది. దీనితో లైసెన్స్ ఇవ్వాలో లేదో కూడా తెలిసిపోతుంది. ఇలా స్మార్ట్ కార్ రిపోర్ట్ ఒకే అయితేనే దరఖాస్తుదారులకు లైసెన్స్ మంజూరు చేస్తారు.
