ఇటీవలి కాలంలో యువత శాండ్ విచ్‌ను తెగ ఇష్ట‌పడుతున్నారు. ఆహార ప్రేమికుల‌కు శాండ్ విచ్లు అందించేందుకు రెస్టారెంట్లు పోటీ పోడుతున్నాయి. విభిన్నంగా ఉండే శాండ్ విచ్లను తినాలన్న కోరిక కోసం ఆహార ప్రియులు ఎంత దూరమైన వెళ‌తారు. న్యూయార్క్లోని ఓ రెస్టారెంట్ శాండ్విచ్ల తయారీలో మంచి పేరు తెచ్చుకుంది. అక్కడ విభిన్నమైన శాండ్ విచ్‌ల‌తో పాటు వాటి ధరలు కూడా ఎక్కువ‌గానే ఉంటాయి. ఆ రెస్టారెంట్ రూపొందించిన ఓ శాండ్ విచ్ గిన్నీస్ బుక్ ఆఫ్ రికార్డులో చోటు ద‌క్కించుకుంది. వివరాల్లోకి వెళితే…
న్యూయార్క్లోని స్రెండిప్టీ3 అనే ఓ రెస్టారెంట్ శాండ్ విచ్లను తయారు చేయటంలో చాలా పేరు సంపాదించుకుంది. ఇక్కడ తయారయ్యే శాండ్ విచ్లు చాలా రుచిక‌రంగా ఉంటాయి. వాటిని తినేందుకు దూరప్రాంతాల నుండి ఆ రెస్టారెంట్కు ఆహార ప్రియులు ఎగ‌బ‌డుతుంటారు. ప్రపంచంలో ఎక్కడ దొరకని వెరైటీ శాండ్ విచ్లు ఇక్కడ అనేకంగా ఉంటాయి. తాజాగా ఈ రెస్టారెంట్ శాండ్ విచ్ గిన్నీస్ బుక్ వరల్డ్ రికార్డుల్లో చోటు చేసుకుంది.
ఇంతకీ ఈ రెస్టారెంట్ స్పెషాలిటీ ఏమిటంటే ప్రపంచంలో ఖరీదైన వెన్న క్వీన్ టెస్సెన్షియల్ గ్రిల్ల్డ్ చీజ్ను ఈ శాండ్ విచ్ల తయారీలో వాడతారు. దీనికి పైపూతగా గోల్డ్ ఫాయిల్ రాస్తారు. దీని ఖ‌రీదెంతో తెలిస్తే షాక‌వుతారు. ఈ శాండ్ విచ్ ఖరీదు అక్ష‌రాల 16వేల రూపాయలు. సాధారణంగా రెస్టారెంట్‌ల‌లో దొరికే శాండ్ విచ్ ల ధ‌ర 100 నుండి 200 రూపాయలు ఉంటాయి. గత ఏడు సంవ‌త్సరాలుగా ఇంత ఖరీదైన శాండ్ విచ్‌ను ఏ రెస్టారెంట్ తయారు చేయలేదు. దాంత‌తో గిన్నీస్ బుక్ నిర్వాహకులు వరల్డ్ రికార్డులో ఎక్కించారు. కాక‌పోతే దీనిని తినాలనుకునే వారు 2 రోజుల ముందు రెస్టారెంట్కు ఆర్డర్ ఇవ్వాలి. ఎందుకంటే దీనిలో వాడే పదార్ధాల‌ను వివిధ ప్రాంతాల నుండి తెప్పించి తయారు చేస్తారు.
