ఇటీవల టాలీవుడ్ లో చిన్న సినిమాగా విడుదలై ఘన విజయాన్ని సొంత చేసుకుంది విరూపాక్ష. ఇందులో సాయి ధరమ్ తేజ్ మరియు సంయుక్త మీనన్ లో కీలక పాత్రలు పోషించి సినిమా విజయానికి కారణమయ్యారు. నూతన దర్శకుడు కార్తీక్ దండు ఎటువంటి అనుభవం లేకపోయినా అద్భుతమైన స్క్రీన్ ప్లే తో ఎంతగానో ఆకట్టుకున్నాడు. థియేటర్ లలో సక్సెస్ ఫుల్ అయిన ఈ సినిమా ఓటిటి లోనూ విడుదలయ్యి సత్తా చాటింది. ఇప్పుడు బుల్లితెరపైన కూడా సత్తా చాటడానికి సిద్ధంగా ఉంది. చిత్రబృందం నుండి తెలుస్తున్న సమాచారం ప్రకారం విరూపాక్ష మా టీవిలో రేపు (ఆదివారం) సాయంత్రం 6 గంటలకు ప్రసారం కానుంది.
మరి సాయి ధరమ్ తేజ్ అండ్ టీం ఇక్కడ కూడా దుమ్ము రేపుతారా చూడాలి. ఇక కేరళ భామ సంయుక్త మీనన్ ఈ సినిమాతో మరో హిట్ ను తన ఖాతాలోకి వేసుకుంది.
