ఆర్ఆర్ఆర్ సినిమాతో అంతర్జాతీయ స్థాయిలో అభిమానులను సొంతం చేసుకున్న యంగ్ టైగర్ ఎన్టీఆర్ తాజాగా మరో ఘనతను తన ఖాతాలో వేసుకున్నారు. తాజాగా” ఏషియన్ వీక్లీ “మ్యాగజైన్ 2023 లో ఆసియాలో టాప్ 50 లో నిలిచిన హీరోల జాబితాను ప్రకటించింది. ఈ జాబితాలో హీరో ఎన్టీఆర్ 25వ స్థానంలో నిలిచారు. దీనితో తెలుగు ఇండస్ట్రీ నుంచి ఈ జాబితాలో స్థానం దక్కించుకున్న హీరోలలో ఏకైక హీరో ఎన్టీఆర్ కావడం విశేషం. ఈ జాబితాలో బాలీవుడ్ బాద్షా షారుఖ్ ఖాన్ మొదటి స్థానంలో నిలిచారు.
ఇటీవలే అమెరికా మేగజైన్ వెరైటీ ప్రకటించిన 500 మంది ప్రభావశీలురా లిస్టులో తారక్ ,దర్శక ధీరుడు రాజమౌళి స్థానం దక్కించుకున్న విషయం మనకు తెలిసిందే . ప్రస్తుతం జూనియర్ ఎన్టీఆర్ కొరటాల శివ దర్శకత్వంలో తెరకెక్కుతున్నటువంటి దేవరా సినిమాలో నటిస్తున్నాడు ఈ చిత్రం రెండు భాగాలుగా విడుదల కాబోతుంది ఈ సినిమాలో జాన్వి కపూర్ హీరోయిన్గా నటిస్తుంది. ఇటీవలే గోవాలో పలు కీలక సన్నివేశాలను తెరకెక్కించారు. దీనితోపాటు హృతిక్ రోషన్ నటిస్తున్న వార్ 2 సినిమాలో కూడా నటిస్తున్నాడు.
