వరల్డ్ కప్ 2023 షెడ్యూల్ లో భాగంగా ఈ రోజు ముంబై లో ఆస్ట్రేలియా మరియు ఆఫ్గనిస్తాన్ ల మధ్యన కీలక మ్యాచ్ జరుగుతోంది. మొదట టాస్ గెలిచిన ఆఫ్గనిస్తాన్ చిన్న గ్రౌండ్ మరియు బ్యాటింగ్ కు చక్కగా అనుకూలించే పిచ్ పై మంచి టార్గెట్ ను సెట్ చేయాలనుకుని బ్యాటింగ్ ఎంచుకుంది. అందుకు తగినట్లే ఓపెనర్లు ఆడే ప్రయత్నం చేసినా గుర్బాజ్ (21) మాత్రం అనవసర షాట్ కోసం ప్రయత్నించి హాజిలీవుడ్ బౌలింగ్ లో అవుట్ అయ్యాడు. ఆ తర్వాత ఇబ్రహీం మరియు రహ్మత్ (30) లు కలిసి రెండవ వికెట్ కు కీలకం అయిన 83 పరుగులు జోడించారు. రహమత్ అవుట్ అయ్యాక షాహిద్ కాసేపు క్రీజులో నిలబడడానికి ప్రయత్నించినా స్టార్క్ బౌలింగ్ బౌల్డయ్యాడు.
ప్రస్తుతం క్రీజులో ఇబ్రహీం జాడ్రాన్ (91) మరియు ఒమర్ జై (15) లు ఆఖరి పది ఓవర్ లలో వీలైనన్ని పరుగులు చేసి ఆస్ట్రేలియా ముందు భారీ టార్గెట్ ను ఉంచడానికి ప్రయత్నం చేయనున్నారు. ఆస్ట్రేలియా బౌలింగ్ ను ఆఫ్గనిస్తాన్ అలవోకగా ఎదుర్కొంటూ పరుగులు చేస్తోంది.
