నల్లగొండ జిల్లా నందికొండలోని బుద్ధవనంలో బుద్ధ జయంత్యుత్సవాలకు అన్ని ఏర్పాట్లు పూర్తయ్యాయి. 2,566 వ బుద్ధ జయంతి సందర్భంగా బుద్ధవనం, ధ్యానవనం, జాతక వనం, మహాస్థూపం, ఎంట్రన్స్‌ ప్లాజాలో 2,566 రంగురంగుల విద్యుద్దీపాలు ఏర్పాటు చేశారు. బుద్ధవనం ప్రారంభం తర్వాత మొదటిసారిగా నిర్వహిస్తున్న బుద్ధ జయంతిని వీక్షకులకు మధురానుభూతులు పంచేలా నిర్వహిస్తున్నామన్నారు బుద్ధవనం ప్రాజెక్ట్‌ ప్రత్యేకాధికారి మల్లేపల్లి లక్ష్మయ్య.
ఈ సందర్భంగా హర్యానా రాష్ట్ర ప్రభుత్వ ప్రత్యేక ప్రధాన కార్యదర్శి ఉండ్రు రాజశేఖర్‌ ‘సమకాలీన సమాజానికి బౌద్ధ’ అనే అంశంపై ప్రసంగిస్తారంచనున్నట్లు ఆయన పేర్కొన్నారు. బౌద్ధ నిపుణులు ఈమని శివనాగిరెడ్డి, ఆచార్య సంతోష్‌రావత్‌ పాల్గొంటారని బుద్ధవనం ప్రాజెక్ట్‌ ప్రత్యేకాధికారి మల్లేపల్లి లక్ష్మయ్య తెలిపారు.
