కరోనా వైరస్ ప్రపంచాన్ని గడగడ వణికిస్తోంది. ఈ క్రమంలో ప్రపంచంలోని దాదాపు అన్ని దేశాలు లాక్డౌన్ విధించాయి. దీని కారణంగా తీవ్ర నష్టాల్లోకి కూరుకుపోయిన విషయం తెలిసిందే. అయితే కరోనా వైరస్ వ్యాప్తికి చైనానే కారణమని అమెరికాతో పాటు చాలా దేశాలు ఆరోపిస్తున్నాయి. అగ్రరాజ్యం అమెరికాతో పాటు యునైటెడ్ కింగ్డం (యూకే), ఫ్రాన్స్, ఆస్ట్రేలియా తదితర దేశాలు తీవ్ర విమర్శలు చేస్తున్నాయి.
ఒక విపత్తును ఒక దేశం మీదికి నెట్టడం సరైన నిర్ణయం కాదని, ఇలాంటి సందర్భంలో అందరి కలిసి కట్టుగా పోరాడాలని వైద్య నిపుణులు, సామాజిక శాస్త్రవేత్తలు పేర్కొంటున్నారు. చైనాను నిందించడం మానేసి, వ్యాధిని నివారించడానికి మార్గాలు వేతకాలని వైద్య నిపుణులు చెప్తున్నారు.
