ఇంటి కింద బయటపడిన పురాతన శివాలయం.. ఎక్కడంటే?

కొత్త ఇల్లు నిర్మాణంలో భాగంగా పాత ఇంటిని తొలగిస్తున్న క్రమంలో పురాతన శివలింగం, ఆలయ నమూనాలు బయటపడ్డాయి. ఈ ఘటన ఏపీలోని నంద్యాల జిల్లా బనగానపల్లె-పేరుసోముల గ్రామంలో శుక్రవారం ఉదయం ఆలస్యంగా వెలుగు చూసింది.

స్థానికుల కథనం ప్రకారం.. ఎర్రమల అనే వ్యక్తి కొత్త ఇంటి నిర్మాణం కోసం పునాదులు తీస్తున్నాడు. ఈ క్రమంలోనే అతని ఇంటి కింద శివాలయం బయటపడింది. ఆ విషయం కాస్త ఊరంతా పాకడంతో పెద్దఎత్తున ప్రజలు తరలివచ్చి పూజలు చేశారు. తాము నిర్మించుకున్న ఇంటి కింద శివాలయం ఉందని తెలియడంతో ఎర్రమల కుటుంబం వెంటనే ఆ ఇంటిని ఖాళీ చేశారు.కాగా, ఈ ఘటనకు సంబంధించిన పూర్తి వివరాలు తెలియాల్సి ఉన్నది.