వైఎస్సార్ విగ్రహానికి దుండగులు నిప్పు పెట్టారు. ప్రొద్దుటూరు మండలం కల్లూరు ప్రభుత్వ పాఠశాల వద్ద ఉన్న వైఎస్ రాజశేఖర్ రెడ్డి విగ్రహానికి గుర్తు తెలియని వ్యక్తులు నిప్పు పెట్టారు. విగ్రహం పాక్షికంగా దెబ్బతినడాన్ని గుర్తించిన గ్రామస్థులు పోలీసులకు సమాచారం అందించారు.
వెంటనే స్పందించిన రూరల్ సీఐ బాల మద్దిలేటి విచారణ చేపట్టారు. ఎవరైనా ఆకతాయిలు ఈ పని చేశారా లేక కావాలనే ఎవరైనా చేశారా అనే కోణంలో విచారిస్తున్నామని సీఐ బాలమద్దిలేటి చెప్పారు.
