ప్రముఖ సినీ నటుడు, వ్యాపారవేత్త సోనూసూద్ నేడు అమరావతి లోని సచివాలయానికి వెళ్లారు. ఈ క్రమంలో ఏపీ ప్రభుత్వాని కి సోనూసూద్ ఫౌండేషన్ నాలుగు ‘అంబులెన్స్ లను విరాళంగా
ఇవ్వనున్నారు. సోనూ సూద్ ఫౌండేషన్ ఈ అంబులెన్స్ లను అందించనుంది. ఈ నేపథ్యంలో
నటుడు సోనూసూద్ తాజాగా ఆంధ్రప్రదేశ్ ముఖ్యమంత్రి చంద్రబాబును కలిశారు. ఈ సందర్భంగా సీఎం చంద్రబాబును కలిసిన సోనూసూద్.. అంబులెన్స్ లను ప్రభుత్వానికి అప్పగించారు.
అనంతరం నాలుగు అంబులెన్స్లను సీఎం చంద్రబాబు ప్రారంభించారు. ఆరోగ్య సంరక్షణలో మౌలిక సదుపాయాలను కల్పించడానికి రాష్ట్ర ప్రభుత్వం ప్రాధాన్యత ఇస్తుందని ఈ విషయంలో సోనూసూద్ ఫౌండేషన్ భాగస్వామి అయినందున ఏపీ సీఎం చంద్రబాబు అభినందనలు తెలిపారు. అయితే సీఎం చంద్రబాబు ఢిల్లీ పర్యటనకు వెళ్లిన విషయం తెలిసిందే. ఈ క్రమంలో సోమవారం సీఎం చంద్రబాబు రాష్ట్రానికి తిరిగి వచ్చారు. ఢిల్లీ నుంచి ప్రత్యేక విమానంలో గన్నవరం ఎయిర్ పోర్టు కు చేరుకున్నారు. అక్కడి నుంచి నేరుగా రాష్ట్ర సచివాలయానికి వెళ్లినట్లు తెలుస్తోంది.
