నేడు బెజవాడకు డిప్యూటీ సీఎం పవన్ కళ్యాణ్ రానున్నారు. తమిళనాడు తంజావూర్ నుంచి మధ్యాహ్నం 2 గంటలకు గన్నవరం రానున్నారు డిప్యూటీ సీఎం పవన్ కళ్యాణ్. ఇవాళ సాయంత్రం సీఎం చంద్రబాబుతో కలిసి మ్యూజికల్ ఈవెంట్ లో పాల్గొననున్న డిప్యూటీ సీఎం పవన్ కళ్యాణ్… అనంతరం మళ్లీ దేవాలయాల బాట పట్టనున్నారు. ఈ మేరకు షెడ్యూల్ కూడా ఖరారు అయిందని చెబుతున్నారు.
కాగా, విజయవాడ ప్రజలకు బిగ్‌ అలర్ట్‌. విజయవాడలో ఇవాళ ట్రాఫిక్ ఆంక్షలు కొనసాగనున్నాయి. విజయవాడలో నేడు ఎన్టీఆర్ ట్రస్ట్ మ్యూజికల్ నైట్ కారణంగా ట్రాఫిక్ ఆంక్షలు కొనసాగనున్నట్లు పోలీసులు ప్రకటించారు. ఇవాళ మధ్యాహ్నం 3 గంటల నుంచి రాత్రి 11 గంటల వరకు బందరు రోడ్డులో ట్రాఫిక్ మళ్లింపులు ఉన్నట్లు తెలిపారు విజయవాడ పోలీసులు. ఇందిరా స్టేడియంలో జరిగే కార్యక్రమంలో పాల్గొననున్నారు సీఎం చంద్రబాబు. దీంతో విజయవాడలో ఇవాళ ట్రాఫిక్ ఆంక్షలు కొనసాగనున్నాయి.
