వైఎస్‌ఆర్‌ జయంతి నేపథ్యంలో మాజీ మంత్రి రోజా చేసిన ట్వీట్‌ వైరల్‌ గా మారింది. రోడ్డు ప్ర‌మాదాల‌లో మ‌ర‌ణాల‌ను వీలైనంత త‌క్కువ చేయ‌డానికి 108 అంబులెన్స్‌ల‌ను తీసుకువ‌చ్చారు డాక్ట‌ర్ వైయ‌స్ఆర్ గారు అని రోజా తెలిపారు. ఈ 108 అంబులెన్స్ ఆవిష్క‌ర‌ణ రాష్ట్ర వైద్య చ‌రిత్ర‌లోనే ఓ సంచ‌ల‌నంగా నిలిచిందన్నారు.
ఆరోగ్యానికి పెద్ద‌పీట వేస్తూ ఎంతోమందికి పున‌ర్జ‌న్మ ప్ర‌సాధించిన దేవుడు వైయ‌స్ఆర్ గారు. నేడు ఆ మ‌హ‌నీయుడి జయంతి సంద‌ర్భంగా నివాళులు అంటూ ఎమోషనల్‌ పోస్ట్‌ పెట్టారు రోజా. దివంగత నేత వైయస్ ఆర్ ప్రజల గుండెల్లో చిరస్దాయిగా నిలిచారన్నారు.
ఆయన తీసుకువచ్చిన ఆరోగ్యశ్రీ , 108 ప్రజలకు ఎంతగానో దోహదపడ్డాయని తెలిపారు. ఆయన చేసిన మంచి మనం మరచిపోకూడదని… వైయస్ ఆర్ భౌతికంగా లేకపోయినా ఆంద్రప్రదేశ్ ప్రజల గుండంల్లో ఎప్పుడూ చిరస్మరణీయులే అంటూ స్పష్టం చేశారు మాజీ మంత్రి రోజా.
