సైకిల్ పై పార్లమెంట్ కు..వెళ్లారు విజయనగరం ఎంపీ. ఇప్పుడు ఈ సంఘటన హాట్‌ టాపిక్‌ అయింది. తొలిసారి లోక్‌సభలో అడుగుపెట్టనున్న… విజయనగరం ఎంపీ..సైకిల్ పై పార్లమెంట్ కు..వెళ్లారు. ఢిల్లీలోని తన అతిధి గృహం నుంచి సైకిల్ పై పార్లమెంట్ కు చేరుకున్నారు విజయనగరం ఎంపీ కలిశెట్టి అప్పల నాయుడు. ఇక ఈ సంఘటనకు సంబంధించిన ఫోటోలు వైరల్‌ అయ్యాయి.
కాగా, తెలుగు రాష్ట్రాలకు చెందిన కేంద్ర మంత్రులు తెలుగులోనే ప్రమాణ స్వీకారం చేశారు. మొదటగా ఏపీకి చెందిన శ్రీకాకుళం ఎంపీ, కేంద్ర పౌరవిమానయాన శాఖ మంత్రి కింజరాపు రామ్మోహన్‌నాయుడు లోక్సభ సభ్యుడిగా తెలుగులో ప్రమాణం చేశారు. అనంతరం కేంద్ర బొగ్గ గనుల శాఖ మంత్రి, సికింద్రాబాద్ ఎంపీ కిషన్ రెడ్డి కూడా తెలుగులోనే ప్రమాణ స్వీకారం చేశారు. ఆ తర్వాత లోక్సభ సభ్యులుగా ఏపీకి చెందిన పెమ్మసాని చంద్రశేఖర్, తెలంగాణకు చెందిన కరీంనగర్ ఎంపీ, కేంద్ర హోంశాఖ సహాయ మంత్రి బండి సంజయ్ కూడా తెలుగులోనే ప్రమాణ స్వీకారం చేశారు.
