ఏపీలోని ప్రకాశం జిల్లా మార్కాపురంలోని ఆక్రమణలపై మున్సిపల్ అధికారులు ఆగ్రహం వ్యక్తం చేశారు. ప్రధాన రహదారికి అడ్డంగా చేపట్టిన నిర్మాణాలను, షాపులను జేసీబీ సాయంతో తొలగించే ప్రయత్నం చేస్తున్నారు. గురువారం ఉదయమే అధికారులు రంగంలోకి దిగి ఆక్రమణలను ముందుగా గుర్తిస్తున్నారు. ఇప్పటికే నోటిసులిచ్చినా వ్యాపారుల నుంచి ఎలాంటి స్పందన లేదని అధికారులు వివరించారు.
ఈ క్రమంలోనే జేసీబీని రంగంలోకి దించారు. రోడ్లకు ఇరువైపులా ఉన్న ఆక్రమణలను తొలగిస్తున్నారు. ఎస్వీ కేపీ కాలేజ్ రోడ్, కంభం రోడ్, ఆర్టీసీ బస్టాండ్ రోడ్ల ఉన్న అక్రమ నిర్మాణలు, షాపులను జేసీబీలతో సాయంతో తొలగిస్తున్నారు. దీనికి సంబంధించి విజువల్స్ ప్రస్తుతం సోషల్ మీడియాలో వైరల్ అవుతున్నాయి. మార్కాపురంలో ఇటీవల క్రమంగా ట్రాఫిక్ రద్దీ పెరిగింది. దీంతో ఈ మేరకు రోడ్డుకు ఇరువైపులా ఉన్న ఆక్రమణలపై మున్సిపల్ అధికారులు కొరడా ఝలిపిస్తున్నారు.
